| | |
| أهلا وسهلا بك إلى منتديات دلع نجد - منتدى سعودي. |
| أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا |
| |||||||
| دواوين شعريهـ .. منتدى يختص بدواوين الشعراء |
 |
| | أدوات الموضوع | انواع عرض الموضوع |
 | رقم المشاركة : ( 1 ) | ||||||||
| ديوان الشاعر فلاح عشوي العنزي
كُتب : [ 08-21-2010
- 02:44 PM ]
بسم الله الرحمن الرحيم السلام عليكم ورحمة الله وبركاته اقدم لكم مجموعه قصايد لشاعر فلاح عشوي العنزي (( عاده الحــب )) لاتلومون مجروح اجروحه خفيه مامع الحب صبر وما مع البعد راحه اعذروا من تولع ما عليهم خطيه عادة الحب مخطور وتسطي ارماحه أسلم الناس خال الحب لا واهنيه من توقعه حدى الثنتين يكثر اطياحه ياقديمي ندمي ويش حل القضيه يوم حظي قعد بي منك مضمن نجاحه كان ماتنفع الشكوى رجال الحميه افزعوا للغريق اللي زعجكم اصياحه شاقني عاقني ما شفت والله حليه اجمل الناس عندي بين حب وصراحه ما على الناس لقالوا وانا ماعليه من فتح للغلا باب صطى به اسلاحه دايم السيف قاله كيه فوق كيه شايل الشوق هم وناقص العقل باحه لشاعر فلاح عشوي العنزي ================================= ((بيني وبينك ...لحظه الحزن والخوف)) بيني وبينك ...لحظه الحزن والخوف! تحتاجني ... واسافر بمركب اوهام تستنزف ايام الفرح .. قبل ماشوف الحظ ميت والامل هاجس ..نام في داخلي جرح ..ومسافات .. وظروف وفي داخلي هم ..وعناء ..عمره اعوام يلفظني الماضي.. وانا اعيد حروفه حتى التفائل .. صار من ضمن الاحلام اهديتلك عمر السعاده من الجوف واهديت لي كف الندم .. رقص وانغام واهديتلك قلب محب وملهوف واهديت لي ..جرح سكن كل الايام لشاعر فلاح عشوي العنزي ============================= (( طال الفراق )) طال الفراق اليوم وطال انتظاري مليت بغيابك انا حيل مليت رحت وبعدت والبعد ماهو اختياري انت اخترت البعد رحت وصديت بس التفت لي وشوف كيف انكساري طايح مع جروحي وانا حي بس ميت ابيك ترحمني وتشوف احتضاري هذي سنه يا عمري ما جيت غبت ولا جاني خبر او طاري اقفت وانا الي عقبها حيل عانيت لشاعر فلاح عشوي العنزي ================================= (( حبيبي ناظر عيوني )) حبيبي ناظر عيوني عسى تلقى جواب اسرع عسى الدمعة على خدي تقول اللي عجز ينقال حبيبي تصرخ الدمعة على خدي تقول ارجع ولا تبعد ترى طول على قلبي عنى الترحـــال حبيبي من ورى الغيمة بدى نور القمر يصدع ولا منه نظر وجهك رجع يبكي بضيقة بــــال سمعته يصرخ ويبكي ويقول ان حسنك الاروع سمعته يشتري ودك يبي يشكي عليك الحـــال وسمعت النجم من بعده وانا جالس بعد اسمع يقول اشعار في حسنك يقول اروع حكم وأمثال وحتى الشمس بالمشرق تون وما تبي تطلع تقول وش فايده تطلع وترجع تختفي بجبـــال وشفت الورد يتراقص على اغصانه يقول اقطع يقول انه على يدك يبي يشنق يبي يغتـــــال حتى الغيم لاشافك من عيونه يبي يـــــــدمـــع على وجهك همل دمعه وغرق قذلتك والشــــال وحتى الليل لاشافك على اقدامه يبي يركــع يقول الليل تناثر على اكتافك مثل شـــــــلال وسمعت الورق في عشه حزين ومستحي يسجع سمع صوتك تغني جلس يبكي على الــــــمــــوال وجاك الورق من عشه يبي يسمع بعد مـــقــطـــع وشفت الدمع من عينه نزل مثل المــــــطر ينهال حبيبي مد لي يدك غدى دربي خيال اوســــع تعال وشمل ارموشك على الشاعر تصير اضلال حبيبي داخلي شاعر ترى عمره ابد ما أبـــــدع ولكن بس لعيونك نزف شـــــــــعر وغلا واهـبال لشاعر فلاح عشوي العنزي ================================= ((ليتك دريتي عن عذابي بالأيام)) ليتك دريتي عن عذابي بالأيام ليتك سألتي عن آسايه وشقايه لا جيت خوف ولا تراجعت منضام ولاخنت مبدأ الحب وين الجنايه يا ما رسمتك للوفاء رمز ووسام ومشاعرن فيها مناي وهنايه يا ما قضيت الليل حيران ما نام أكتب قصيدي فيك والفكر تايه وياما كتبتك شعر من عام لعام مات الشعر وأنتي سكنتي خفايه وياما تجرعت المآسي والألام خايف عليك من الزمن يامنايه وأنتي تخيلتيني أوهام بوهام ولا يرضي العشاق طبعك معايه رحتي وأنا اللي كنت مخلصلك أعوام لا واخسارة ليه خنتي وفايه هذا زمانك وأن صفى يوم مادام روحي وأنا بعدك أبنسي عنايه لا ترجعين اليوم بابنت الأكرام قول وفعل ما هو مجرد دعايه واليوم عن حبك أبيعد ولا ألام لو كان بالفرقا تكون النهايه لشاعر فلاح عشوي العنزي ============================== ((خلاص انا فكرت ببعدك وقررت )) خلاص انا فكرت ببعدك وقررت بروح واترك عالمك ياحبيبـي ياما على شانك بكيت وتصبرت ولابان في عينك وفايه وطيبي مابي الخطا ولا عليكم تكبـرت بس ان طبعك ياحبيبي غريبي حطيت في قلبي جروح وتذكرت ان الجروح بقربكم ما تطيبـي ماهين نفسي لو بحبك تاثـرت وكثر التردد والملامات عيبـي لشاعر فلاح عشوي العنزي ============================== (( انتهى الحب )) صدقيني للامانه ...مالك بقلبي مكانه انتهيتي من حياتي يوم خيبتي ظنوني كنتي فعيوني ولكن طحتي من بعد الخيانه ياحسافه ياللي كنتي ساكنه داخل عيوني ليه خنتيني وقلبي كان يغمرك بحنانه ليه صديتي وصرتي من تسبب في طعوني كيف قلبك كان راض في خيانه قلب صانه كيف يرضيه اكساري يوم انا هاقيه عوني ياخساره حبي اللي ضاعت اسنيني عشانه وانتي ادرى كم اعطيته من وفاي ومن شجوني يوم امنتك خفوقي احسبك قد.. الامانه ماحسبت اللي صفولي بالمحبه يخذلوني انتهينا من بعضنا وانتهى الحب وزمانه يرحم اسنين احضنتنا في دفئ الحب الجنوني للامانه للامانه ... مالك في بالي مكانه انتهيتي من زماني يوم خيبتي ظنوني لشاعر فلاح عشوي العنزي =================================== ((الصـــمــت ثــــــــــوبي )) لاتساليني وش جرى في حياتي خلي همومي بالحشا مستقره لو استعيد بواقعي ذكرياتي احيا واموت بثانيه الف مره اعيش لياجيت احتظر في مماتي واموت لاجيت اهتني بالمسره ليه الفرح في بعض الاحيان ياتي والحزن كله وسط قلبي مقره الصمت ثوبــي والمواجع عباتي وجروح تنزف بالحشا مستمره هي تجمع من جميع الجهاتي وتجاوز حدود الفلك والمجره لولا غرامك مابنيت امنياتي من حقي امنحك الغلا واتشره ياليت حبك ماسكن وسط ذاتي مثل المطر فيه النفع والمضره لشاعر فلاح عشوي العنزي ================================ ((بنات حواء )) ارجوك انسى واعتبرني كاني حلم جميل ومر يوم بحياتك مابيك تزعل واجي واتعذرني ومابي اكون بيوم سبه عناتك ولابي على ذكراي ترجع تحني ولابيك تخلصلي على حساب ذاتك دام اليالي غصب تاخذك مني وش فايده ابقى شيخ ذكرياتك لك اعترف مافي غيرك فتني ولاضنتي في شخص يشبه صفاتك وش عاد لو جني وراحت وجني بنات حواء مايساون عباتك مير ابعدي يامنيتي عني دام غيري صار اب لبناتك عيشي سعيده في حياتك تهني وانا لي الله عالم بتضحياتك لشاعر فلاح عشوي العنزي ====================== (( جتني تبارك في زواجي وتهني )) جتني تبارك في زواجي وتهني والدمعه من عينها ياحمد سالت وصوتها المبحوح صوبي قام يوني ومدري ليه يوم سلمت يدها مالت قالت مبارك عليك وجيتك اهني عساك اتهنا باللي نفسك فيه نالت كم وحده فيك حاشها التمني لكن المكتوب كلمه قد انقالت فاضت ادموعي يوم البنات جني وقالو الزينه على بيت فلان شالت رحت اطالعها والحزن والهم سكني مدري شعبر لي سالتني وحده وقالت عشت اليل فيه الهواجيس يمك خذني وذكرني بايامنا الحلوة .. الي رجعتها استحالت واللي جرا بينا مكتوم ..وهذا عهد مني ارقد وامن..وعشرتك بالقلب لازالت باركت وراحت وحس قلبها قام يوني سمع اذني بشهقته يوم شعرها شالت شعر .. فلاح عشوي العنزي ============================== (( احبك حب )) احبك حب مايوصف ولا ينقال ياعمري.. احبك حب فية الشوق بلسم والولة جبار.. احبك حب يجرح ناضري ويطيح في صدري.. احبك للشقا ضحكة احبك للعطش مدرار.. احبك كل ما يقبل مساي ويشتعل جمري .. فديتك لاتخليني بدونك انا خاطري محتار .. فديتك لا تساليني لميلات الزمن بدرررري.. انا واشهي حياتي لويطول البعد والمسفار.. انا وشهي حياتي لو تغيب شوي ياعمري؟ لشاعر فلاح عشوي العنزي =============================== (( عقب الفراق عقب الالم عقب الاحزان)) عقب الفراق عقب الالم عقب الاحزان عقب السهر عقب الهواجيس والهم من بعد ماصار الشقى لي عنوان بعد الهجران من بعدها حالي انسم جاني بثوب ابيض وهو حيل فرحان شايل بدينه ورد واقبل وسلم جاي يتيم ويقولي بالحيل ولهان مشتاق لك مشتاق والله يعلم جيت اعترف جيت اعتذر كنت غلطان عقبك حياتي اصبحت كلها غم اخطيت سامحني انا ندمان بعدك ذبحني وماخفى عنك اعظم استحلفك بالله لاتنوي هجران حبك بقلبي صار يجري كما الدم خلاص حرمت ما اتركك يوم زعلان ودي بوصلك يامني قلبي انعم تعال امجاد ظامي ورويان تعال واجعل شمل الاحباب يلتم وقفت افكر تايه الراي حيران مدري ابدي الرفض ولا اقول تم واقبل يمي ايديه ويقول ولهان مديت ايديني بس حسافه طلع حلم شعر: فلاح عشوي العنزي ============================== ((يمــــــــــــــــــــــــــــه )) يمة بنادي جدار البيت وابوابــــة ,, ابي اشم الرشوش وريحة الشيلــة ,, اضم كفك واشمة وريحة اخصابــة ,, والله ابخشمي تحوش من اول ليلــة ,, يمة ترى فلاح فاقد اول احبابــة ,, بالحيل فاتر واشوفة مايبي جيلــة ,, يايمة فدوة روحي لج وانا كلي ولهان يايمــة ,, يايمة سايري وقتك عسى في يوم تلقيني بــة ,, يايمة ارفعي راسك انا رجل عظيم الشان يايمــة ,, صعدت المجد بفعالي واظن انك تعرفيني يايمــة ,, افزع للمحتاج واموت ولا ابدا ينهان يايمــة .. ربيت ابعز ومنو يقدر يوطيني يايمـــة .. انا فلاح وحلمي يايمة اقبل قاعة الاحضان يايمــــة ,, وحشني احضانج وانتي بعد عيني وحشتيني يايمــــــة,, كلمات اخوكم فلاح عشوي العنزي ===================================== (( احبك كثر ماهاج البحر )) احبك كثر ماهاج البحر واستاحت به ثوره احبك كثر ماتقطع شفاتك بالعسل مشوار احبك كثر صدرج مايدوخ الورد بعطوره احبك كثر مافي عينك من سحر والأقوار بقولج شي ممكن ؟ قلت بجمع من اشواقي قصايد حب لج معموره ومن عشقي لج منثوره كفايه من نظرت الناس لج منصوره احبج ثم احبج ثم احبج رغم الكثار احبج حيل مهما صار احبج دامني طيب وراضي من العشق من طوله احبج كثر ماتغارين ااحبك كثر ما في الارض بنت تلفت الانظار كتبت بالقصيده أبيات ؟ من حسني عليك تغاري ؟ لشاعر فلاح عشوي العنزي ================================ (( وينك حبيبي )) وينك حبيبي انطر رجعتك من سنين اشوف المر ياحبيبي وشلون سقاني من زماني القاسي ادمعت العينين ولحد درى بعلتي ولحدا واساني لي حبيبن خلا الدموع على الخدين من سبه غلطه راح ونسى زماني قلبي عليك يبكي على فراقه سنين والشوق بقلبي يصيح ليت بكاني مضى على فراقه لي اكثر من سنتين عطيته الحب والوفا وبالغدر جازاني وحسافه على عشره ودعتها بدموع العين مناسبه بنت ياقلبي ليش تنهاني لشاعر فلاح عشوي العنزي ============================== (( ماجيت ابي وصلك ولا جيت ابرجيك )) ماجيت ابي وصلك ولا جيت ابرجيك جيت اتذكر في عيونك زماني مادري هي الذكرى لجرحي تناديك ولا انا اللي صار جرحي موافي يمكن جهلتك او عرفتك وناسيك يمكن انا ضيعت شكل التقاني بس الحقيقه ليتني يوم انا جيك اذكر ملامح وجهك اللي عصاني الله اكبر كيف انا صرت ماضيك حتى عيونك تغتريها معاني ادري خذلك احساس قلب يباريك لكن اشوف الحظ يمك رماني خانت عيونك دام خانت هقاويك مدري وش اللي جابك اليوم ثاني صاح الحنين وصاحت الروح لبيك ول ياحنين باخر العمر جاني سافرت لايام بها مواريك يوم اني ازرع في دروبك حناني والعشق مريثه من الوجد يبكيك متعلق مابين قاصي وداني ياعشق يانيته من الوجد بقا فيك كنك سنين عشتها في ثواني ماجيت اداعب دنيتك جيت اعزيك مير البلاء ياعشق صوتك شجاني لشاعر فلاح عشوي العنزي =================================== (( ليه تبعد )) سافروا احباب قلبي وانحنى راسي والدموع اكثار وهمومي تهد جبال والوداع موادع انفاسي عن انفاسي والرحيل اكبر مصيبه تنهك الرجال ليه تبعد يابعد روحي ومجلاسي وانت تعرف ان موتي بالبعاد اقبال لاتروح ارجوك واتجرع عنا كاسي الرجا والدمع لبدالك هزل واذلال آه لو تدري بحزنٍ يسكن ضلوعي بها راسي يتلملم ويتبعثر جوف صدري والليالي طوال اه ياملفاي واقبالي اه ياربعي وناسي لو تحس بنار مشتبه تهاوت يمنا منزال كان تعرف همي المكبوت والباسي وتفدي الامي بعمرك لو تضيع امال وان نويت البعد شفني منحني راسي روح وامنتك امانه خلني عـ البال.. لشاعر فلاح عشوي العنزي =========================== (( ثلاث سنين )) عندي ثلاث سنين واقول سعران واكبدي اللي بالجمر قلبوها والعين عين اللي على طول سهران يبكي على فرقا هنوف خذوها ابكي على اللي فارقتني امسيان والناس شافوا دمعتي وانظروها راحت وانا من عقبها عشت باحزان غصب عليها لشخص ثاني عطوها واصبحت لاصاحي ولاني بمرضان يبلاهم الله يوم حــــــالي بلوهــا ماعاد به رحمه ولاعاد به ايمان تبكي لا هلها واهلها ما ارحموها قد قلتها في ماضي الوقت حيران وعيوني الثنتين لامانسوها ياما كتبت لها القصايد على شان تشوفني دام الجريده شروها وقد قلتها تطري على بالي ازمان حتى ولواوراق شعري رموها يابو فهد يامسندي وين ماكان قل للجماعه قصتي واحفظوها رغم انني شفقان هيمان ولهان رحلت عنها والسبايب ابوها وحبي دفنته عندها وسط خيطان!! ورحلت عن دار بها زوجوها لشاعر فلاح عشوي العنزي ================================ (( حبيبتي )) الارض اكبر من كتابات مجنون =والكون أصغر من رسومات طفله تعبت أصد وداخلي حزن مسجون= أمشي وغيري بالكتابه وقف له حبيبتي..حكايات المطر غيم ومزون= تحيي يباس اللي زمانه زحف له حبيبتي..دموعي لاغدت قلبي عيون= ذكرى وقلبي لاتذكر نزف له صمت الجهات الأربعه شئ ملعون= يفتح دموعي للبكى حين غفله نبشت جرح داخل القلب مدفون= وسويت من دمعي للاطفال حفله حبيبتي كانك لانتهت قصه الكون= قطعه من الجنه على شكل طفله لشاعر فلاح عشوي العنزي ====================================== (( اهل الغشامه )) والله إني بالشن بأهل الغشامه ماتحمل جمعت الناس الغشيمه أبتلشت بناس مدري وش نظامه خايف إني لارتكب فيهم جريمه أتحاشا شوفه اللي به رخامه وافتخر واعتز بالناس الفهيمه ماتعرض الي مايثمن كلامه وأخذ الموضوع بالفكر الحكيمه أحترم أهل الوفا وأهل الزعامه الرجال اللي نواياهم سليمه كل رجل ياجماعه له مقامه أعطي اللي يستحق قدر وحشيمه مالحقني من ورى الطيب ملامه رفقه أهل الطيب بالدنيا غنيمه ليت لوبالطيب أتبين علامه مل قلبي من كثر أهل النميمه مابي من راعي الردى حتى سلامه ولا جماله ولا رفاقه ولا عزيمه لشاعر فلاح عشوي العنزي =================================== ((حبيب قلبي روح مع السلامه )) حبيب قلبي روح مع السلامه اودعك واهديك اخر سلامي وابشرك حبك تزعزع مقامه وعنة تعليت وعلىبي مقامي وهدمت حبك وانتهيت بهدامه لاعاد تحلم ياحبيبي بهدامي قلبي ترى فيك القى اهتمامه ولقى بدالك من ينال اهتمامي والقلب ماعادت تصبيه سهامه انا الذي صوبت صوبك سهامي قدرت اجرعك الندم والندامه وانا الهني مشروف كاسه مدامي هذا قرار القلب واقوى اعتزامه يبلغك اخر قرار اعتزامي كلام من لارجعه في كلامه لاتعتقد اني انا ارجع في كلامي القلب عنك صام واول صيامه ماعاد يجرح جرح قلبك صيامي قلب يبلغك القرار بكلامه هذا كلام القلب ماهو كلامي كلامي انا اقوله امامك وامامه بغض النظر عن كل ماصار امامي وقدام من يفرض عليك احترامه فرضت غصب عنك وعنه احترامي العشق عشه طار باقي حمامه ماعاد يهدل فوق بيتك حمامي وثوب الحزن قطعت ملبوس خامه حيث ان خامك يختلف عنه خامي وذاك المخيم شلت باقي خيامه واحليت من روضه ربيعك خيامي وان كان تسال صاحبك وش علامه ابشر بشرح وافي وش علامي علامي من اللي اكمل اليوم عامه العله اللي سودت عيد عامي يوم اشتري مبداك من منك سنامه من اول يوم فيه لك ذاك سامي فرحت به مستقبله باابتسامه على حساب انهاك معنى ابتسامي مستانس في سوء مسعي اقتسامه متامر وياه ضد اقتسامي وخنت الوفي في ليل حالك ظلامه وفي ظنك الدنيا تدوم بظلامي ماتدري ان مثلي يعيش انسجامه وان اجمل اجوالليل جوا انسجامي ليه الخيانه فيك بانت وسامه وليه الوفي بدنياك دايم وسامي لي بالمحبه فيك حق الملامه ما ابي ترى عليك ازيد بملامي خلك مع المحبوب موت بغرامه انهيت انا وياك قصه غرامي هذا كلام القلب اليوم باخر ختامه ايبلغك باخره مسك الختامي ارحل بحفظ الله ومع السلامه ولاترتجي بعد التحيه سلامي لشاعر فلاح عشوي العنزي ================================= (( شلون انساك )) ياللي نسيت الود شلون بنساك علمتني حبك وصديت عني نسيت منهو صاين العهد وياك ضاع الرجا من يوم خيبت ظني عذبتني بالصد والهجر مقساك عذبتني بكثر الجفا والتجني هذا جزى اللي رخص الناس وغلاك الظاهر ان زينك هو اللي فتني كان الفرح في دنيتي يوم لقياك وكنت الامل في غايتي والتمني اتعبتني واتعبت روحي بفرقاك عقبك شقى الايام والله سكني لامن نسيتك هيض القلب ذكراك ولامن ذكرتك دمع عيني غبني راحت حياتي بين صدك ورجواك لاجيتني تكفي ولا ابعت عني لشاعر فلاح عشوي العنزي =================================== (( ضاع الكلام )) ضاع الكلام ولا بقى شي في البال امسح دموعك لا تهمك حياتي انا حياتي هم في كل الاحوال مامر يوم سالي ياغناتي اجاوب القمري.. بلحن وموال وارجي متى الافراح لي يوم تاتي قاسيت مما شفت في دنيا الاهوال اشياء غريبه حطمت امنياتي الصد والفرقاء وليل السهر طال وظروفي الي جرحت ذكرياتي ما فادني صبري ولا نظم الامثال حزين دايم والحزن من صفاتي لشاعر فلاح عشوي العنزي ========================= ( جأأأوب الــــروح ) جاوب الروح الذبيحه ياعزا روح الشقاوي كيف يانبع المحبه بالعطش متنـا ظمايـا رد؟وجروحي صريحه ماخطر حلم وهقاوي انت ياعذب الخطاوي جرتك بأرض الخطايا يابعد عمري جفاكم كالمصايب والبـلاوي صدتك اكبر مصيبه طعنتك يـوم البلايـا كم تحريتك وحيد بالعـرا كنـي خـلاوي لوحت وجهي سموم وبردها هـز الحنايـا وكم تجرعت المصايب في فناجيلي قهاوي والبلى يانور عيني يـوم منيـت العطايـا وين يالظالم وعودك وين هاذيك الحكاوي ليه سليت الخناجر فوق دميان الضحايـا لشاعر فلاح عشوي العنزي ============================= (( فــــي ســــكــــت الحـــرمــان )) ياصاحبي صديت مني على طول ماتعطى الرحمه لقلبٍ يودك حبل الرجا بيديك محكم ومفتول اما اوصله والا اقطعه لي بيدك وخليتني في بحر الا وهام مشلول وغرقتني مابين جزرك ومدك في سكت الحرمان تايـه ومذهول مدري بها التعذيب لا وين حدك ان كان ناوي ذبحي اقول يحول وموتي قريب ان كان طولت صدك وقلبي بحبك ياهوى البال مشغول العب على كيفك ولا احدا" يردك ونا مصيري صار غامض ومجهول من يوم علمت العواذل بسدك انساك ماظني ولا هوب بمعقول حبك بقلبي ذكرياته تشدك حسبي على من سبب الصد بعذول يسعى بنقل الهرج ضدي وضدك حتى تفرقنا وهو غير مسئول شيطان يغوي ون تورطت هدك لشاعر فلاح عشوي العنزي ============================= (مـــافــهــمــتــك) ما فهمتك ..منهو الي قال مره مافهمتك وما عرفتك..قالها مضنون عيني وستمال ما فهمتك .قالها اقرب قريب. وما عرفتك ليه تجمعكم حروف .الله من هذا السؤال اصعب اوقاتي سألتك من اكون بوقت صمتك اشهد اني ما عرفتك .نور ما يصنع ظلال انعميت ولان عظمي يوم خطيت وجرحتك الفراق .اكبر خطيه ..منتهى الجرح الزوال ما شعرت انك قريب ولا غريب وما رسمتك مثلهم في لون ...والصوره..تعدت بالخيال للفرح ساعات بحلى شوق ما مره ذكرتك كم تصديت بكلامي عنك ما اعطيتك مجال لي حروف اتقول ما مره عرفتك او فهمتك ولي شعور يقول شايف صورتك تحت الرمال لشاعر فلاح عشوي العنزي ======================================= (شــامـخ الـــراس) ماهي غريبه لو حكـوا فينـي النـاس اللي غريبـه لـو بحالـي اتركونـي ولاني بسائل عن عديميـن الاحسـاس وأنا مثل بياض الغيـم لونـي دام الثقه بالنفـس مـن دون مقيـاس مـن زود ذنبـي خلهـم يحرمونـي من هرجهم ماداعب الفكـر هوجـاس لـولاي مثمـر كالشجـر مارمـونـي ربـي كفيـل ٍ بالمخاليـق الانجـاس اللـي بـلا ذنـب ٍ جنيـت ظلمونـي عسى يداهم فكرهـم كـل وسـواس حتى الاقـي مـن حكوبـي نسونـي الله يجـازي بالعمـر كــل بــلاس مليون عله تشغلـه عـن طعونـي صار الأمل باللي ذبح فينـي اليـاس اللي بالشرٍ فـي غيابـي ذكرونـي وبين البشر امشي وأنا (شامـخ الـراس) صوب السما دايـم تناظـر عيونـي لشاعر فلاح عشوي العنزي ============================ (النـاس تعجز عن مواساتي) انا لا زادت اجروحي وعيا خافقـي لايتـوب يزيد الهـم لاقلـت مـن الوقفـات حيلاتـي يلج بداخلي صوتٍ يحس من العنـى بذنـوب سكن في بحة اطرافه بقايـا صـدق وناتـي ترى مال الفرح سكه كثر مال العـذاب دروب اضيع بمهمهت بعـدٍ تسبـب فـي معاناتـي نسيت اني معى حظٍ مشى في سكتـه مقلـوب تعثر في طرف وقته وضاعت فيـه حيلاتـي تعذبت ووقفت انخى وحرت انخاه بأي اسلوب لقيته منزعـج منـي وقمـت اكسـر اهاتـي تلاشت فرحةٍ كانت هي اللي باقيـه مطلـوب وهلت دمعةٍ كانـت مـن اول سبـة سكاتـي اضنه مابقا شئٍ عليـه ليـا انهزمـت اذوب شتاتن اعجز ألمه وضـاع بوسـط عبراتـي علي من الصبر غيمه تجر الحانها مسحـوب ولا لي فالصبر حيله ولا عندي لـه سواتـي انا مدري وش اللي عند ربي فالصحف مكتوب دعيتـه لايعذبنـي ويغفـر كــل زلاتــي همومٍ لملمة قلب وملت دفتـر عنـاي قلـوب وراحت كنهـا ردت علـي اكبـر مسراتـي تمادتبي على دربٍ تمثنيتـه وانـا مغصـوب تشتتنـي وانـا تـوي ململـم اول شتـاتـي كذا لازادت جروحي يعيـي خافقـي لايتـوب واشوف الناس كل الناس تعجز عن مواساتي لشاعر فــلاح عشوي العـنــزي =================================== (عــيـدك مــبـــارك حــبــيـبــي ) عيـدك مبـارك حبيبـي صارلـه أربـع سنيـن ماأحـس والله بطعمهـا حيثهـا مـي مـن شفـاك ما أضمـن احد(ن)نطقهـا مثـل مانتـي تنطقيـن كل حرف(ن) من شفاهك ذاب مـن شـذة حـلاك أذكـر أول مـا ريتـك يـوم صـوبـي تقبلـيـن فز قلبـي مـن ضلوعـي ثـم نطـق والله مـلاك أيــه أنـتـي مــن مـلـك أحــلا جبـيـن يكفي لامنـك ضهرتـي غابـت الشمـس بسمـاك كاملـه وربـي مكمـل زينـك بعقـل(ن) وديـن ماأظـن ان فيـه مثلـك بالبنـى أو فـي صفـاك كـم طعنـت والله لـجـل أشـوفـك تفرحـيـن وكـم سهرتـي مـن ليالـي عيـن اللـي هـواك وأذكـر الموعـد الاول يـوم جيتـي تركضـيـن تسبقيـن الريـح لجلـي مـا تحسيـن بشـقـاك جيتـي وبيـدك حاجـه وأذكـر انـه وردتـيـن وردة(ن) لليـوم عنـدي وردة(ن)دفنـت مـعـاك ليـت ربـي ماخذاكـي أنتـي ياحزنـي الدفيـن ليت دمعي بـس يـردك والله كـل عينـي فـداك كل يوم أرش قبـرك مـن دمـوع(ن) لـك أهيـن كن عيونـي الله خلقهـا لجـل تبكـي فـي ثـراك كم شكيت أحزاني قلبي لكل طيـف(ن) لـك يبيـن وكم صحيت بليل موحـش علنـي أسهـر معـاك وكم عصيت اللي نهاني وقـال لـي دمعـك ثميـن مـادري انـك عيونـي ولا وفـت والله لـوفـاك وكم جلست أنظر لقبـرك انتظـر ربـي المعيـن ياخـذ الـروح العليلـه لجـل يسكنهـا مـعـاك امس أشوفك قدم عينـي وسـط روحـي تسكينيـن وهذي انتي مثل مانتـي مـا نـزل قـدرك هـذاك كيـف أعيـش العمـر وانتـي عمـري والسنيـن كيف أبهنـا فـي منامـي دون حضنـك او دفـاك كيف أبكتـب هالقصايـد وانتـي المعنـى الدفيـن كيف أوصف غير وصفك في حروف(ن) ما تعصاك كيف أقهويهـم ضيوفـي وانتـي ذراعـي اليميـن كيف أنادي أي شخص(ن)وانتـي صوتـي مالفـاك كيف اعـد نجـوم ليلـي وأغـلا نجمـه ماتبيـن كيف أبضحك مع صحابي وانتي أفراحـي بحشـاك كـل مـا سافـر لديـره وسـط عينـي تركزيـن بكـل ديـار الله شفتـك جعـل ربـي مـاخـذاك وأدعـو ياعالـم معايـا يرحمـه رب(ن) حنيـن ويسكنه جنـاة عـدن(ن) مـا بهـا أبـدا هـلاك لشاعر فلاح عشوي العنزي ================================= (ليتنـــي مــاعرفــتـــك ) تحسب أني بكيت عليك أيام ونسيت وأنا والله فقدت الدنيا وكل شي بحياتي أحيان أقول ليتني ماعرفتك ياليت وأحيان أقول إنك أنت أجمل ذكرياتي لكن ذكراك تبكيني وليتك مثلي بكيت وحسيت بحزني الكبير وسويت سواتي أنا حي وعايش لكن من داخلي ميت أضحك بوجه الناس وأخفي عنهم دمعاتي الناس ماتدري وحتى أنت مادريت كتمت حزني ورسمت البسمه بشفاتي أكذب وأقول أني بعد فرقاك تهنيت وإلا الصدق فرقاك عندي مثل مماتي وش أسوي عيب علي إن شكيت مابي أبين للناس همي وحزني وحسراتي خل اللي بالقلب بالقلب أدري بك ماحسيت ولو أموت ماجيت تعزي هلي بوفاتي لكن أبيك تعرف أني حبيتك ولك وفيت حتى لو إنك ماتستاهل وفاي وتضحياتي لكن ذنبي الوحيد إني بصدق حبيت ليتني ماحبيتك ولا عرفتك ولا دخلت بحياتي لشاعر فلاح عشوي العنزي ======================================= (احس بداخلي ثــوره) هذي حال هالدنيــــا ضحك وأفراح ثم أحزان بعض أيام تسعدني وكثر الأوهام تشقيني أحس بداخلي ثـــــورة أحس بداخلي بركــــــان أحاول أخفي احساسي ودمع العين يكويني نزف جرحي على جرحي وصـار الهم لي عنوان تعب حالي على حالي تمر سنين تطويني صار الظلم فوق العدل صار الـغدر هو الميزان صارت كل زلات البشر يا كود تكفيني أول يوم به شفتك سكنتــــــــــــي داخل الوجدان وصرت أكتب لك الأشعار لين النوم يغفيني حلفت أمشي على أمرك وأصير العاشق والولهان أعاند كل ما بالكون على شانك تحبيني رسمتك للبدر صورة تزيــــــــــــن دنيتي ألــــوان سكنتي النبض في صدري ودم ٍ في شراييني عقب شهرين أو أكثر تغيرتي عن اللي كـــان بنيتي الكره والأحقاد جدار ٍ بينك وبيني خدعتيني على طيبي تركتيني بقايا انســـــــــان طعنتيني بوسط الظهر وظل الجرح يدميني تغير طبعك الحاني وصار أقسى من الصيوان تخيلتي من أوهامك بأنك ما تهميني ليه الكره ؟ ليه الحقد ؟ ليه الضيم والهجران ؟ سؤال ٍ حاير بصدري لعل الرد يشفيني تعبت أسأل عن أحوالك وأشوف الرد لي حقران هذا هو جزاء الولهان بصد الوجه تجزيني ما أقول إلا عسى ربي الغفور الرازق الرحمن يصبرني على بلواي يوم إنك بليتيني لشاعر فلاح عشوي العنزي ================================= (( صـــادقه )) هذا الحبيب اللى انتى فرحانه ومجنونه بهـــــواه = بــــكـــرة يـخــــــــــــون وتندمين إنك عشقتيه بوفا وبيحتــــرق قـلـبـك علـــى لحظه خسرتيها معاه = ليش انتى للحين صادقه والصدق في الكون اختفا ياللــه اكذبي وتلاعبي على اللى بيظهرلك غلاه = ياللــه استـغـلــــي طـيـبــــة اللى أوهمك انه دفا حســن النــــــــوايا بعصرنا أصبح جريمه واشتباه = والطــيــب بهـــذا الـــــزمن حلمه على صدره غفا أحساسنا ياللأســــــف مـلـغــــــى وملغينا وراه = ما للمشـــاعــــــــر اي معنى في زمن نوره طفا أحــذرك..لاتصدقـيــــــن الزيف ومعسول الشفاه = بس اطــردي طــاري المـحـبــــه لو على بالك لفا الكل يـــرجـــي مـصــلـحـــــه الكل يطلب مبتغاه = لما وصــل للـــــى يـبـيـــه انـكـــر الـحــــــب وجفا الفــــرصــه قـدامـــك قبل يفقد جمالك مستواه = ولما الضــمــيــر يـأنـبـك فـــــــي يوم قولي له كفا عيشـي مثل نورس تمرد حر وطاير في سماه = مــــرى علــــــى كل القلوب وصدقك بيلقى شفا شعر فلاح عشوي العنزي =================================== ( كتبتك داخلي حب ) كتبت أعذب قصيدة حب لاجل ترضين لا هنتي كتبتك داخلـــي حب ٍ عشقته بكل حرمانه أحبــك لو يطول البعد وأحبك حتي لو خنتي وأعرفك ماتخونيني وأعرف اش كثر ولهانه تعالي وامنحي المشتاق همسة حب لو كنتي تحــسين بعذاب الشوق واللوعة وكتمانه أنا الـمشتاق لعتابك وانا المشتاق لك إنتي وصوتك لا نسكب وإنساب في سمعي بتحنانه خذيني عاشق ٍ صابه جنون الحب اذا بنتي نـسى أهله نسى الدنيا نسى العالم وخلانه نسـى يومه وميلاده نسى وتذكرك انتــــي يـسافرلك جنون وحب يهاجر لأروع اوطانه زرعلك في خفوقه عشقٍ تناما كل مازنتي رسمك بداخله صوره وشعره روعة ألوانه تـهـيم بعينك اشعاره ويبدع لا تفننتي كتب إسمك علي صدره حلف مايخون وجدانه كتب أعظم قصيدة حب لاجل ترضين لا هنتي يحــــبك للجنون وحيل لأنك أعظم إنسانه لشاعر فلاح عشوي العنزي ==================================== ( يا معذب قلب المولع ) يامعذبن قلب المولع فـي هـواك أرفق حبيبي شوي لاتكثر زعـل ترى الزعل لازاد عن حده هلاك وربك لكل أنسان له حدن جعـل خلك على خبري مسميك المـلاك أضمك بعيني وأسمـي ياعسـل وهذا وبعد انطر متى تمطر سماك مشتاق للورد الاصفـر بالسهـل أبقطفه بـس عاندنـي حصـاك رفض رفض رفـض ثـم اقبـل ومشتاق للعين والماي وضمـاك والضمـى فينـا نسـده بالغـزل الحلا فيهـم تـرى كلـه حـلاك بس فيهـم زود عنـك بالجهـل يحسبون الي مضى كلـه معـاك ضحك وشويه الاعيـب وهـزل الناس هـذي لاتعشيهـا عشـاك حتى ولو كنـت ذابحلـك جمـل ماهو بخل بـس هذولـه حشـاك يزرعون الشر زرعـن بالهبـل لا تلتفت للـي فوقـه مستـواك وخلك مع الـي قـال ثـم فعـل واذا تبيـه يزيـد فينـي غـلاك أرفق حبيبي شوي لاتكثر زعـل لشاعر فلاح عشوي العنزي ============================== (( حــســبــه ريـــــالــه )) (حكــمــه ميــدانــيــه) الضعيف..يردد الضمير والانسانيه. والقوي ..يردد الشهامــه والوفـــاء. مداخله للقصيد: هنــى اللي فـي مكتبه جالــس ومرتـاح يحسب حسابــه كل ماهــل بهـــلالــه وهـنــى اللـي فــي متـجره يحــسب الأربــاح وفي كل يـوم أيـزيد فـي حسبـه ريــاله ولا كــابد همـومـه بكابـد بهـا الــفـــلاح تــخــلي عــدو الــجد يشــفـق على حـــالـه نهـــاره عذاب وليلــه يطـارد الأشبــاح وفــكــره مـشـتـت بـين غرســه وعــمـالـه يعيــش بـعــنــى والنـاس فـي راحــه وأفــراح ومن كـثــر همــه هــمــل الـبــيـت وأعـــيــالـه ولا قــال قــام الحــظ عــود علــيــه وطـــاح وان جــاه مكــســب فـــاز بالــســوق دلالــه تـمـشـكلـت بــه هــي والغــنــم عــلـــها الدبــاح مــادام العـلف : بــرســيــم واشــعــيــر وانخـــالــه ولا عــامــل يفــهم ولا راعــي مـــصـــلاح ((هنــــود)) تـراطن كــل واحــد علـى فــالـه ولا الـوم من يشــكـي وعــبــر الشــعر صـــاح فــــلاح.. اللـي افــلاحتــه بــيـدت حـــالــه بقلم فلاح عشوي العنزي =============================== شفت القصيدة (بالريم) شفت الحبيبه وارتبكت وتعثرت في مشيتي من زود شوقي وخوفي شوقي لها الخوف مما تصورت من بيننا كن العواذل وقوفي حارت بما قفهاوانا تهت واحترت يادوب نسمع بس همس الحروفي قالت هلا با للي بفقده تفكرت مدري نسى والابفعل الصدوفي رحبت قلت ومن خلق ماتغيرت مير الحقيقه مبعدتني ظروفي قالت كفاني عذر مهما تعذرت ما تطفي النيران كثر الحلوفي ولا عاد عندي صبر مهما تصبرت اشكي عليك وهقوتي ما تروفي لو تدري انك دون ما تدري اسهرت عيني ولجلكزاد جرحي بجوفي ماكان طولت الغياب وتأخرت رغم ان قلبي لك محب عطوفي شفت القصيدة (بالريم) وكبرت لحظة عرفت انك لغيري عيوفي واشتقت لحظة شفت صورتك وانهرت وخطر علي افقد من الحزن شوفي زادت بي اشواق الخفوق وتذكرت ذيك السنين اللي نوت بالكنوفي قلت اه واللي صورك فيك مابرت ولا لي سواك بناقشات الكفوفي ولو حطت الشمس بيدي ماتكبرت ولانساك ياريم تقود الخشوفي وفزت قبل باق الكلام وتحسرت وشفت الدموع بعين ذيك الهنوفي واقفت وانا عنها بالاقفاي بادرت ومن اخر افراق لنا زاد خوفي لشاعر فلاح عشوي العنزي ================================ ((طريق الموادع ما يرجعنا )) يسري بنا الليل .. لانادت مواجعنا ويفرح بنــــا الهم .. لاماتت امانينا اغراب .. والحزن فالغربه يجمّعنا اجساد نمشي .. وتتبعنا خطاوينا كان الأمل في ظلام الوقت يزرعنا لين الليالي .. تجي بالياس تجنينا كنّا نعلّم جروح الوقت توجعنا والحزن .. كنا نناديه وينادينا نكتب : طريق الموادع مايرجعنا نقرأ : طريق الموادع مايودينا نبعد عن الهم .. نلقى الهم يتبعنا من وين نبعد .. نلاقي همنا فينا كنّا .. وهلحين كنّا وش بتنفعنا؟ نادى الرحيل .. وسرق دربه خطاوينا رحنا ورى الحب .. لين الحبضيّعنا مدري نسينا الزمن .. والا تناسينا !! الين عشنا بلا صوره .. ولا معنى ارواح .. تشبه لنا ظلمة ليالينا واليوم .. ماعاد باقي شي يجمعنا الا الوجع , والضياع , وحزن ماضينا على كثر ماحلمنا .. ماتوقعنا ينسى الزمن كيف كنا يوم حبينا شكراً .. لأحساسنا اللي كان يخدعنا شكراً.. لوقتٍ خذانا .. قبل يعطينا شكراً.. لعمرٍ تركنا .. قبل يسمعنا شكراً.. لأيامنا .. اللي جت توصينا شكراً.. لأحلامنا اللي وقفّت معنا شكراً.. لأحزاننا .. شكراً لأغانينا بكت لنا الارض يوم انّا توادعنا لأن الارض احضنتنا يوم حبينا بقلم الشاعر فلاح عشوي العنزي ======================== (( الصوره )) تهددني وتقول إنـي أنانـي وفينـي مافينـي=تكدرني وتزعلنـي وتخلينـي وأنـا أعانـي تحيرني وتسهرنـي ودمعـي حايـر بعينـي=وبعد أيام ترجع لي تقـول إشلـون تنسانـي تجنني برجعتهـا وترمـي السيـف بإيدينـي=بعد ماطلعت عيني تقول إنـي انـا الجانـي أعيد الصفحة من أول وجرح الماضي يدميني=وهذا كله من طيبي ومنها يـا كثـر جانـي أسولف وأبتسم وأضحك وأسليهـا وتسلينـي=وتتفتح ورود الحب بعـد ماأنسـى احزانـي أسامرهـا وأغازلهـا وأداريهـا وتدارينـي=بعد ماتحلا أيامـي ترجـع خطونـي ثانـي تقول إني انا غامض عشـان أنهـا تخلينـي=وتجمع كل غلطاتي وترميهـا علـى آذانـي تطعـن خافقـي بكلمـة ونيتـهـا تعنيـنـي=وأنا اللي ظلمهـا فينـي اذا مـازاد كفانـي أسكت وأنكسر..أحزن وأراجع ماضي سنيني=وأنا أسمع أنين الآه بين احزانـي وأشجانـي غريبة كيف انا صابر عليها وحبها كيف يبليني=غريبة والغريـب انـي اجاملهـا بوجدانـي ولكني وقفت بصمـت كانـه شـيء يبلينـي=ودفعني دافـع بقلبـي وشجعنـي وخلاّنـي أروح بعيـد وانساهـا وأضيعهـا عناوينـي=عشان إنها اذا رجعت تـروح لواحـد ثانـي أنـا طيـب ولكنـي وقـت الشـدة يازينـي=وإذا بزعل على انسان حبيبي صعب يلقانـي وبعد ماطافت المدة ارجعـت أدري تبغينـي=وظنهـا بكـل ثقـة انـي بلاقيهـا وتلقانـي دخلت بيتي المهجور ..وتتسائل انـا وينـي؟=تحسبني انا موجـود وانصدمـت بهجرانـي قامـت تلتفـت تبـي تنـطـق وتشكيـنـي=لكـن مابقـى الا بهـذا البيـت جـدرانـي تركت الها انا صورة هديـة منـي ياعينـي=ولما قلبت الصـورة هدهتهـا كلمـة انسانـي لشاعر فلاح عشوي العنزي المصدر: منتديات دلع نجد - منتدى سعودي | ||||||||
| |||||||||
 |
| | رقم المشاركة : ( 2 ) | ||||||||
|  رد: ديوان الشاعر فلاح عشوي العنزي
كُتب : [ 08-21-2010
- 02:49 PM ]
(( لولاك غالي )) بعد مريـت سّلـم مرحبـا ياصاحبـي حيـاك هلا يامرحبا واهلين ارحب بـك واهلـي بـك هلابك من خفوقن لو نسيتـه ماقـدر ينسـاك لو انك بـس رديـت السـلام اقـول ياطيبـك عسى ماهو بيبطي بك غرورك لجتمـع ويـاك تعوذ من بليس الظاهـر انـه عاويـن ذيبـك انا رحبت احسب انك صحيت وفقت من عمياك واثر مازال فيك الجهل يلعـب بـك ويوميبـك تكدر خاطري من هالسـواه وحالفـن لـولاك ترى لولاك غالي كان من شهريـن اضحيبـك مادام اني كشفت الك الخوافي مد لـي يمنـاك والى منك قطعت الوصل عني ويـش اسويبـك تراك انت الخبير بحالتـي والعلـم مايخفـاك تعرف اني ما اساويبك بشر لوقلت ما اصخيبك وانا عذروبي انـي ماتحمـل ساعتـن فرقـاك وانا عارفك بعـدك والتغلـي مـن عذاريبـك معرب جد مابـك شـك لافصلـك ولا منشـاك وكلك زين واصل الزين يصبح بـك ويمسيبـك وانا ادريبك صطت بين الضلوع الحانيه شلفاك تمكنت بصوابي واعتبرنـي مـن مصاويبـك ماغير امشي واهوجس واتخيل صورتك وانخاك واهوجس بك وانا صاحب ليا من نمت اهذريبك ولا ياكبر حظ امك وابـوك اللـي بعـد ربـاك تربيتـي بعـزه وبحيـاك امــك تماريـبـك متى حضي يجيبك والك ماتطلب ومنـي جـاك بعدها مرحبا بك ضيـف فـي حلـة معازيبـك كتبت ابك القصيد وكل ما اكتب فالورق يزهاك وانا لولاك غالي كان ما اكتب بـك واغنيبـك لشاعر فلاح عشوي العنزي ============================= ( اجمل ذكرياتي ) امنتك اللة يابعـد كـل غالــي .. وامــنتك اللة واحفــظي حبـــنا زين بعدك ترا ماعــاد شي بقالـي .. ماعــاد باقــيـلي ســوى دمعــة الــعين محلا خيالك لاطريتي ببالــي .. ومــحلا وصوفك يــوم كـــنتي تباهين يامحلا جلستنا وانتي اقبالـي .. وانا اسمعك وانتي عن الشوق تحكـين وما اقساك يوم تتركيني لحالي.. وانا مديت ايديــني واقــول تكــــفين لاتتركيني يكفي الــي جرالــي ,, من يوم صغري شايف الشين والشين عمري قضى ومافـي شي صفالي,,, وابـطيت وانا اقول ابفرح بعد حين مافي يدي حيلــه وعزاي لحالـي ,, امشي مع الدنيا ولا ادري على وين بس اسمعيني ياحلالـي ومالــي .. ماغير حبك بالحشى لــــي يوم الدين كانك نسيت او لقــيتي بدالــي .. تـبقين اجــمل ذكرياتــــــي وتـــدريــن ماانساك لويمـشون حوولي اعيالي ,, ببقى على الذكرى لوتاخذ لها سنيين لشاعر فلاح عشوي العنزي ================================= ((احبك كثر ماقد صار احبك )) احبك كثر ماقد صار احبك رغم ما قد ماصار احبك كثر مادنيا الزعل والصد مهجوره احبك كثر ماتمطر بصدري من غلاك امطار احبك كثر ماصارت اراضي العشق ممطوره احبك كثر ماتفتح شبابيك الربيع أزهار احبك كثر ماغنت عشان الصبح عصفوره احبك كثر ماتاقف على جنب الطريق أشجار احبك كثر مايقسى الشتاء وتهاجر طيوره احبك كثر مافي الارض بنت تلفت الأنظار احبك كثر مايرتاح عطر بصدر مغروره احبك كثر ماجاب المساء في معطفه زوار احبك كثر ماجانا الصبح يشبهك نوره احبك كثر ماتهدي كفوف الوصل من تذكار احبك كثر ماشالت يدين العاشق زهوره احبك كثر مانقراء عن الفارس عن المغوار احبك كثر مانسمع ولا شفنا ولا أسطوره احبك كثر ماتلعب بدنيا العاشقين أقدار احبك كثر ما .. ذا الحظ يلعن قصوره احبك كثر ماعاثت رياح بحسبة البحار احبك كثر ماالبحار يعشق نسمة بحوره احبك كثر مايتحلف اللي منشغل باعذار احبك كثر مافي الناس ناس بجد معذوره احبك كثر ما ملت قصايدنا من التكرار احبك كثر ما الشاعر تمنى حب جمهوره احبك كثر ماشفنا على وجه الزمن آثار احبك كثر ماقلنا عن الاحوال مستوره احبك كثر مادارت بذهن الحالمين أفكار احبك كثر مافي الخير ناس بالخير مذكوره احبك كثر مانرمى حكايات الحطب للنار احبك كثر مانسمع حكايات حب مشهوره احبك كثر ماضاق السجين بلعنة الاسوار احبك كثر ماهاج البحر واجتاحته ثوره احبك كثر ماننسى واحبك كثر مانحتار احبك كثر مايسهر محب وفي يده صوره احبك كثر ماتقطع شفاتك في العسل مشوار احبك كثر ماخدك يخلي الشمس مبهوره احبك كثر ماروج عليك الحسن من أخبار احبك كثر ماصدرك يدوخ الورد بعطوره احبك كثر مافي عينك من السحر والأغوار احبك كثر مافيك الغلا ماوقت سطوره احبك والزمن ساكن واحبك لو زماني دار احبك يامدينة حب وسط الصدر معموره احبك والتفت شاعر لعينك وانطرت أشعار حلف مايمسى الليلة قبل ما يكتب شعوره ورتبتك بصدري وأنت تستاهل وراعي دار تفضل قلب اوراق الغلا وايديك مشكوره وذكرتك وانت لو مثلك ذكرته هلت الانوار وقمت أجمع من أشواقي قصايد عشق منثوره تلبست الجمال وقلت ابهديك القصيد ازرار غلاك وصدق حبك ماترك لي نفس مكسوره انا عاشق جمال وما خفاني في الجمال أسرار انا لامن كتبت اعطيك واعطي العشق بك دوره كتبتك في القصيد ابيات من حسنك عليك تغار حروف العشق طفلة في ثياب العيد مسروره لقيتك والدلع والثقل شله والحسن ثرثار يقول أشياء كثيره للعيون ويثبت حضوره كفاية لو تطل ويفرح بطلتك دار وجار كفاية لو تشوف الناس في نظرتك مأسوره غرامك يغري حروف سقاها الصدق منك امطار كتاباتي بتشهد للغرام وتحفظ عصوره احبك مهما تبتعد عني بسبة الاقدار احبك واحبك لو حبي توصله لك طيوره احبك رغم ماقد صار .. احبك حيل مهما صار احبك دام انا طيب .. واراضي العشق ممطوره لشاعر فلاح عشوي العنزي ===================================== قصيده بالشيخ جابر الاحمد الصباح ( امير القلوب ) جتني حزينة ترفع الصوت هو ليه هو ليه ماتبكون والبال خالـــــي صغيرة والدمع ماعاد تخفيـــه ترسل سهام الحزن والصوت عالي يبه أمير قلوبنا مانخليـــه اللي رفعنا في دروب المعـــــالـــي هذي صوره يا يبه تفتخر فيه حر نداوي مايجيله مثـــــــالي والي محلي صورته رفعت يديه يبه كأن يديه ليه ظــلالــــي وعيونا لصور جابر تراعيه مثل القمر يوم طلع والــهلالـي المدرسة تبكي على طول طاريه وطابورها من عقب الافراح زالي وسكت لحظه قلت يابنت أراعيه لحظة وداع وصمت يثري خيالي من قالك ماهزنا يوم ننعيه زلزال حزن كان فوق احتمالي والحزن غطانا بكامل معانيه أسدل ستاره ثم زاد اشتعالي وزحف له الشعب الكويتي يواسيه جموع تدعيله تجول اجتوالي كل المزايا شيخنا تجتمع فيه يشهد له العالم جنوب وشمالي يابنت عذراً ماأقدر أشرح ووفيه وأدري بعد لله كل الكــمالــــي ويبقى الأمل بإخوانه الي تباريه آل الصباح ومشيهم بالعدالـــي حكم قديم وشامخات مبانيه ثابت على مر الزمن واللـيالــي ماقل دل وصادق الود نبديه غالي وودعنا ولازال غــالـــي لشاعر فلاح عشوي العنزي ================================== ثلاث ايام)) تطـمّن يا هـوى نفسي تـطـمــن وابــعد الأفكار=عسى ما شر..يالغالي وشليّ مغير اظنونك ثلاث ايام متغــير ..علــيّ وزايـــد الأعــــذار=ثلاث أيام وأشوفــك مـغـيــر بالــهوى لــونــك ترفق بــي علـى هونك وقولي كـل شـي صــار=إذا قصــدك ..بـ تقصيري تراني فدوة أعيونك اغيّر كل شــي فينـي .وخلــي غيـرتـي لك نار=وخلُي ظلــمك..وعــدلك وانادي بظلـم قانونك لأني اسرفت في حبك وحبّك لي غضب وأجبار=ولأنـك ديـــن برقبتي..وانا بالفعـل مــــديونــك ولأن اسمك علــى جبيني كتبها خــالق الأقـــدار=بعد هذا تـرى يكفــي تـعذّب قـلـب مــفـتـونــك ابسمع صوتك وهمسك حبيبي .واخـر الاسرار=وابسمع كل ضـحكه فيك وابي هالناس ينسونك حبيبي اترك الماضي.وتعال نُــكمل المــشــوار=حبيبي والـعـمـر مرّه..حـرام اعيش من دونك لشاعر فلاح عشوي العنزي ======================================= رجــلأ واساوي بالرجاجيل الفين=ماتهمني دنيا كثيرن كدرها من لا يراني راس ماراه رجلين=مقيولتن قبلي وعندي خبرها ابوي شيـخن والفته الميادين=لا طالت القالات طيح ظهرها وامي لها بالطيب قصر و بساتين=الجود يدها والفضيله اثرها واهلي بني وايـل كعام المعادين=هم عزوتي والارض تاسع بحرها لشاعر فلاح عشوي العنزي =================================== (اتــحمــل جـــروحــــك ) اخذ تلفوني واشتاق وراسلك وتنقث وتقول اشفيك زايد اهبالك استضيق من كلامك لا اتصل ولا اراسلك اتحمل جروحك ومعها انفعالك ابي اقطع عنك عدت ايام وامهلك يمكن تحس بشوقي اللي عنالك ماقصدي النسيان والا اني اهملك لا والله انا استضيق ماشوف اتصالك ولا قصدي اضيق حياتك وابهدلك قصدي تحس بقلب حبك وجالك قلب تبيه يعيش غير انت تعاملك واذا تبيه يموت اقطع اتصالك ورسايلك لشاعر فلاح عشوي العنزي ============================== (بــســك خــــلاص) ايه انشديني عن حياتي بليـاك ايه اذكري جرحك وباقي سنيني ياماهقيتك ترجعي وتنسي اجفاك لكن صراحه ماهقيتـك تشينـي هذي الحقيقه دام بيديني انسـاك بنساك وانسى مابي مثلك ضنيني دام الحب والوفا والثالث ارضاك وش الذي تبغاه ولاجلك يهينـي هذي حياتي كلهـا لك..تفـداك بسك خلاص ارجوك مره تليني مابغى أعيش الوقت كله بطرياك ابغاك يمي لاقسى الوقت فينـي لشاعر فلاح عشوي العنزي ============================ (يــاغــــاده الــحـــســــــن ) أحاول أخفي معاناتي مثل غــــيـــري لكن صراحة عيوني وش يخــــفـــيـهــا يبان لك في عيوني كل تعــبــــيـــري كل الحكاية من أولها لتــالـــيـــهـــا صراحتي هي سبايب كل تـــأخـــيـــري طبيعة ماقدر فلاح .. يخــلـــيـــهـــا ياغادة الحسن تعجبني مشـــاويــــري يمك مريحة وودي دايم أمـــشــيـــهـــا لكن بعض العيون أسباب تــقــصــيـــري اللي تمثل الا بين تــغــاظــيــهــا أوضح السالفة وأقبل معـــاذيـــــري وبدد هموم من أجلي عايش فــيـــهـــا لشاعر فلاح عشوي العنزي ================================ (ابــكــــــــي ) يامل عينٍ من الفرقا دمرها السهر لا واعنا العين عقب افراق مظنونها فرقا هنوفٍ وصايفها خوات القمر السحر بخدودها والموت بعيونها من عقبها يشهد الله حالتي في خطر ماشافت الحال عقب البعد وشلونها لا ذكرت الشعر مسلول فوق النحر هلت دموعي ونفسي هاضت اشجونها ابكي عليها جزع وابكي عليها قهر واخشى على النفس لاينباح مكنونها راحت ولا عاد جاني من طرفها خبر ان رحت ابيها الحرس دوني ومن دونها باكر وعقبه يافلان.. غلاق الشهر واخبارها الناس يمي مايجيبونها ان كان طال السفر والحظ عنها قصر الله اعلم تموت النفس بغبونها لشاعر فلاح عشوي العنزي ============================== ( بالــــهـــم والحـــــــــرمان ) لاتساليني وش بلا الروح بالهم خليني أبقى داخل الثوب رجال الهم في نفسي عن الخال والعم كني بناخي وصار همي لي الخال ومن الشقا هالقلب يامابه انضم والله لو تدرين تبكين بالحال بالهم والحرمان دايم محزم لكني أبقى ملح بعيون الانذال لامن دعاني صاحبي قلت له سم أجيه من بين الرجاجيل خيال عدلت مايل في حياتي ولا تم وأشوف نفسي هناك بعيون الاطفال لاراح دم الوجه ماعاد به غم ماعاد بسأل كيف؟واشلون؟وش قال أنا قوي بالذي يفرج الهم الواحـــد العبـود القـادر العال بقلم فلاح عشوي العنزي =============================== (تعالي نرسم تفاصيل الحـــــب ) أحبك .. يا بعد طهر الاماني..و الأسى ..و بكاي .... أحبك يآ بعد جوووور آلحنيـن .. و رحلة أيامي أحبك في وسط قلبي تعيش .. و قلتها بشفاي .... و شفت حروفها لجلك تموت و تحضن آلامي تعالي أرسم تفاصيل لجسمك في خارطه تعالي بالصيف والشتاء والسماء ماطره أمليئ فراغ حياتي الشاغره دعيني أمارس معك الغرام والناس نائمه ألتمس دفؤ جلدك وأذوب بنارك الحارقه تعالي ياطفلتي الصغيره الشاطره أمشط شعرك وأبوس شفتاكي العطره تعالي أعانقك مثل المعطف في رقبتك الطاهره ودعي عيني في جمالك المفتون ساهره تعالي أنثري عليه جميع أحاسيسك الطاغيه أملكيني جننيني برومسيه ثم أتركيني شارده حتى أصنع منك الشعر وأكتب فيك الخاطره أرجو أن تتقبل مني هذا الغزل فلاح عشوي العنزي ================================ (دايم ادور ويش يرضيك ورارضيك ) دايم ادور ويش يرضيك ورارضيك من يوم حبيتك ونا همي ارضاك تنام واسهر لجل عيونك وارعيك حتى عيوني ونت با النوم ترعاك ياليت تدري كيف لامر طاريك انسى البشر في وقتها واتحراك ما اذكر اني بيوم فكرت اخليك شف كيف تفكيري يحبك ويهواك مديتلك قلبي على راحه ايديك علمي بقلبي يوم تضحك شفاياك اسقيتني يجعل ربي يجازيك بليتني يجعله ..اليوم يبلاك علمتني واشلون احبك وادرايك وصرت اعشقك واموت في ليل لقياك مدري وش اللي صار من عقبها فيك على كثر ما اعطيك ما قلتلي هاك ليتك تجيني يالغلا مثل ماجيك ياطيب قلبك لا اعطى ربع مجاك لشاعر فلاح عشوي العنزي ================================ (يــكــفــيــني هــم وحــزن ) مدري انا والا الزمن اللي يعاند ويكابر من اللي ظلم الثاني واسقاه المر؟ انا تعبت من الهم ولا عاد القلب صابر يكفيني هم وحزن اللي شفته بالعمر ماعاد لي رغبه في الحياه ولا حتى خاطر لا تقولون اصبر محد كثر صبري صبر وين أرحل؟ وين أروح؟ وين أسافر؟ حياتي كلها هم وظلم وحزن وقهر يلعن أبو الحزن ماله نهايه ولا آخر ويلعن حظي الردي خلاني أتعس البشر لشاعر فلاح عشوي العنزي =================================== (ودي أخسر واحده من عيوني) ودي أخسر واحده من عيوني لجل أشوفك ثم إذا شفتك ورحتي خسرت الثانيه لجل ما تنظر عيوني لمن تشبه وصوفك ودي تبقى صورتك بالفكر وحدانيه بس متى يا منيتي ودها تسمح ظروفك نلتقي بالحب لو جزء بس من ثانيه والله إني ودي آصير دفؤك وأمن خوفك والجنه ذات الظلل والقطوف الدانيه والهواء والزاد والماء وما تبغي شفوفك والسماء والأرض ونعيم عيشه هانيه والكحل بالعين ونقوش حنا في كفوفك والذهب زينتك والفضة عندك آنيه وأبغي آصير الشعر أنسدل وأستر كتوفك أو رموش آضمّ عينيك ضمّه حانيه يعني أبغى آصير لك كل شيء حتى حروفك كل هالدنيا .. ولو إن الدنيا فانيه لشاعر فلاح عشوي العنزي =================================== (حتى وإن سكن الحب قلبك احبك ) حتى وإن سكن الحب قلبك قد تخذلك مسافة الكلمه عن شفتيك فتبحث عنها لتقولها فلا تجدها لتعود من الغد وقد جيشت كلماتك وأسكنتها قلبك تربصا لقدومه فإذا حضر وعاد !! تتفاجأ أن المسافه بين شفتيك وكلماتك قد بدت ابعد!! عندها ينفد صبر القلب فيأمر اللسان أن ينقذه ويسارع اللسان لاستدراك الموقف قبل يأس القلب فتولد كلمة" خداج" تزيد الموقف تعقيدا !! وقد ارتسمت تعابير عدم الرضى على محياه وأنت تبحث بين الحروف فلا تستطيع أن ترتبها وقلبه ينتظر منك تفسيرا لماحدث!! ولا سيد للمكان سوى الوجوم واطراق الذات تحسرا على غروب الكلمات !! الكلمات: مفاتيح الخطاب!! وترجمان القلب!! ومتنفس الآهآآآآت!! وإيصال الشعور !! ونقلة الإحساس !! ومنطلق النشوان !! الكلمات ورود بساتين تنتقى بعنايه وتقطف برقه!! ان احسنا التعامل معها .وبها. اعطتنا من عبيرها وكستنا من حللها !! فماذا يفعل من لم يكن فيلسوفا ولا عليم لسان ولا فصيح بيان ؟؟؟ الجوااااب : يصرخ بصوت عال يملأ كل الجدران : (( اقسم بالله أني أحبك فلاح عشوي العنزي ======================================== خــاطره) يامن اسرت القلب بحسنك وزينك __ يامن اسرت القلب بحسنك وزينك يااسرى احســاس قلبى ينــاديــك سحرتنى يازين باهــداب عينــك ولون الشـــــــفق سيحان من صورة فيك خجلى شفاتك ارسلت لى حنينك همسة خجل..من وين ماغضى الاقيـــك خصلات شعرك ليل..صبحة جبينك انت النهار وداجى الليل كاسيك لك خافقى ملكك ورهنة يدينك والروح منى ياهوى الروح مهديك يامن...اسرت القلب بحسنك وزينك حيرتنى ياحيرتى..كيف انا ارضيك لشاعر فلاح عشوي العنزي ================================== (دواوين الغرام) ابكتب كل قصايد حبي اللـي عشتهـا ويـاك واسميها دواوين الغـرام وصفحـة العشـاق وابرسم صورتك لوحه واعلقها على الشبـاك عشان اشوفها دايم وتدري كم انـا مشتـاق وابكتب كل لحظاتي للحبيبه مـا ابـي انسـاك ولأنك نقش في قلبي طبعت اسمك بدون افراق قطفتك وردتي الحلوه قطفتك من وسط اشواك ربحتك بين هاالعالم بلهفة حـب والاشـواق احس اني بدونك ميت واحيا بشوفك ولقيـاك واحس بغيبتك دنياي ظلام ومابهـا اشـراق واحس بنور هاالدنيا ليامـن جابهـا طريـاك انا اعطش دوم ياعمري وانت الماي والترياق الا يالحبيبه الدنيـا حياتـي كلـهـا تـفـداك تبي تامر على روحي تجيك بشوقها الحـراق انا ماشفت لك اشبـاه حبيبـي آه يامحـلاك تقولي للقمر ابعد انا نـوري مهـو سـراق ايوالله انتي كل النور ونورك منبعـث ويـاك يشع النور من ذاتك وحسنـك دايـم بـراق الا يالحبيبه الدنيا وضحكات الفـرح بشفـاك ودنيا كلهـا بعينـك تنادينـي وانـا مشتـاق لشاعر فلاح عشوي العنزي ================================== (عاشق وتاه بجنونه) إمتلا وجـه الدفاتـر بالحكـي ودمـع الكتابـه حادرٍ يسقـي حـروف بالنـدم والحـزن لونـه مـا بكيـت الا غـلاه ولا شكيـت الا غيـابـه ماوفيـت الا معـاه ولا عشقـت الا عيـونـه ما رحمت قلبي .. لا ولاسألتـه عـن صوابـه الهوى جرح القلوب وإسألونـي عـن طعونـه هايمٍ بأرض المحبـه والجـروح اللـي تشابـه ثايرٍ فينـي جنونـي (عاشـق وتـاه بجنونـه) يا حكايات المـوادع كلـك غمـوض وغرابـه يا تفاصيـل الفـراق ذاب قلبـي مـن شجونـه من يموت من الوفا ؟ من يرتوي بشوف السحابه ؟ يا زماني والمحبـه عهدهـا منهـو يصونـه ؟ الله المعطـي وغيـره والله إنـي مـا أهـابـه " أشتري عزة خفوقـي لـو حبيبـي ترخصونـه الوله فيني .. مسافة غامضـة وأغصـان غابـه والفرح لوهو ذكرته .. القـدر دونـي ودونـه علمـوه إن الليالـي مدبـره لـو صـك بابـه علموة إن كان ساومنـي تـرى خابـت ظنونـه مابكيت مـن الغـلا .. بـس .. بكانـي غيابـه ماكتبت الا جروحـي ياليـت تحظنهـا عيونـه لشاعر فلاح عشوي العنزي ============================ (الشــــــوق فـي قلبـــك تـــبــدل ) أدري أن الشوق في قلبك تبدل .. وأدري اني صرت في أفكارك بعيد .. أقول يا عمري أرجوك بس تمهل .. وانت ما زلت تسكن في القلب وحيد .. عطني وقت يا حياتي بس لاتزعل ... والشوق كل يوم عن يومه يزيد .. لاتقول اني في غرامك أتجهل .. ولا تقول أني لك بإ حساسي عنيد .. أرجع لقلبي يا مناي وتجمل ... ولا تطري البعد وكثر الجفا ما يفيد .. تدري إني من دونك ماأتحمل.. وبعدك عني يذوب فيها الحديد أكيد برجع لغرامك بلهفه وأتعجل .. لانك صرت نبض القلب ودم الوريد .. ولا تقول ان العطا من ودادك تبخل .. عطني قلبك وتشوف حب من نوعه فريد .. القلب من دونك صار حيل يتملل .. واليد تنشد لك القصايد من دون تاكيد .. أبي يرجع قلبك لي ما أبيه يرحل .. رحيلك بيذبحني ويوقف الدم تجميد .. أدري أن شوقي في قلبك له محل ... وأدري اني في بالك من زمان بعيد .. وأن رجعت لقلبي بقول لك آمر تدلل .. لاخلي أيامك كلها أيـــــام.. عيد .. الوله والشوق من الصبر أشتعل .. ينتظر زولك بلهفه..و بليا مواعيد .. اكتب القصيد لك وحدك وأتحمل .. نار بعدك حتى ترجع لقلبي من جديد .. مهما قالو عنك انا فيك بتغزل .. وببقى معاك وهذا مني لك اغلى وعيد .. الشوق عذب الفكر والجسد ترهل .. والوله من الصبر ذوب حبل الوريد .. خلاص حبك دخل القلب وفيه تسلل .. بلا أي تأشيره وبلا أي ختم تجديد .... حبك يا حياتي ماله تالي ولا له أول .. حبك سكن الجوف بلا موعد ولا تحديد .. وفكرك وصل لهاجسي وتوصل .. وعرفت حبك لي يوم كان بفكره جديد .. قسم بالله بظل لحبك وفي وبتحمل .. عسانا ما نفترق وعسى عمرك مديد.. العيد قرب يا ... والكل فيه بيتجمل .. والكل حبيبه معاه وانا حبيبي عني بعيد .. خلني اعيش فرحتي فيك بالعيد وأتهلل .. وأنثر لرجوعك العطر والورد والزغاريد .. عسى بالجنه نجتمع ونلبس أحلى الحلل .. اقول لا اله الا الله كلمه الحق وشهادة التوحيد .. بقلم فلاح عشوي العنزي ========================================= (( ارجــوك لنســيان تكفــين روحـــــي )) ارجوك خليني مع الهم والنوح وانتي مع النسيان تكفين روحي ياللي جرحتني وانا منك مذبوح خلاص روحي واتركيني بنوحي مليت حب عشت انا فيه مجروح وانتي خذلتيني وقتلتي طموحي اول احبك ياهوى البال والروح واعطيك من عمري ولاني شحوحي واليوم انا من سبه الحب مطروح وانتي سبايب علتي مع جروحي والا انا مالي من الحب مصلوح ولاكن افكر يوم سري يبوحي يابنت خليني مع الحزن والنوح وارجوك للنسيان تكفين روحي لشاعر فلاح عشوي العنزي ================================ ((تناديني )) جتْ تناديني و تبكي و انا جالس عالغديــــــــرْ قالت ارحمني يا ظالــم و رد لي نبض الحيـــــــاهْ صرت فكري و كل همي و اسأل الله اللي يجيرْ تكتشف إحساس قلبن صرت نبضن في رجـــــــاهْ كم بكيت و انته تكلم مريم و بسمــه و عبيــــــرْ كـــم سهرت بـحزان قلـبــي كــم صرخت آهٍ و آهْ قالوا حولك معجباتٍ و انتا معجب في كـثـــــــيرْ قالوا قلبك قد تسلّى في الذي يلعب معـــــاهْ كنت أحسبك لي حبيبٍ ابهوى قلبي جـــــديرْ يـــا حسافـــه مات حبي و انتهى في مبـتـــــداهْ كنت أسمع و اتحسّر ..وقلت أنا صافي الضمــــيرْ و الله إني صدق أحبك و انتي في قلبي هـــــواهْ كيف صدّقتي العواذل لي حكوا حكيٍ خطيرْ و لْعبــــوا لعبـــة خبيثة .. شوّهــوا قلبي و صفــــاهْ قالــــوا زيــرٍ قالـــوا أكــــثر ... و انا مسكينٍ فقـــــيرْ ما عرف غير الفضيله .. ولو خطـا يبكي خطـــــاهْ صدقيـني يا قليـبي صـــــرت في حـبــك أســــــيرْ و انتي دربٍ قد مشيته ولا عِشق قلبي سواهْ انتي في قلبي الأميره و انتي لي طــيرٍ يطــــــيرْ طار و حلّق في سمايه و صرت أسكن في ســـماهْ أدري حولي معجبـــــاتٍ وين مــا أمشي و اســـــيرْ بس و الله صدقيني عشقـــهم ما عـــدت أبـــــــاهْ عزّتي ترفـــض دربهم و لــــو تجي بنت الوزيـــــــرْ و الله إنـــي ما أبيـــها و قلبي مــــا غيرك عــــــزاهْ يا بعـــد عمـري يا كلـي ارحمـي قلبٍ سهــــــيرْ ابسبب قـول العــواذل ضــاع صومه و الصـــــلاهْ إنتي بس إنتي الحبيبه لك طعـم و احســـاس غــــــيرْ لي عطش قلبي لقيتك بيــــر أشرب عذب مــــاهْ لشاعر فلاح عشوي العنزي =================================== (خاطره فهل سترحلين) ابعث لك رسالتي هذه وبها اسألك.. هل امضيتي ليلتك بدوني... هل انهمرت دموعك كالمطر... هل..وهل..وهل... اسئلة تؤرقني...احلم بك في ليلتي... اتخيلك في صحوتي... ومنامي يرسمك... استيقظ على بسمتك... اغفوا بين احضانك... هي تلك ايام غربتي,,, فرقتي.... بل هي ايام حياة بدون هواء... فأين الهواء من بعدك... وأين المتنفس غيرك.... اين السبيل للحياة... تسألينني... هل اسمعك... هل افتقدك... هل ارى ما يتلبسك حال رؤيتي... لما السؤال... اهي بادرة شك... ام بادرة فضول... لما كأس المر تتذوقيه بل تحتسيه بفراقي... الم تعيشي الذكريات... لما الحزن... لما ا~لألم... لما الآهااااااااااااااااااات... احس به حبيبتي... كل ليلة... انظر الى القمر.. ارقبه... واراك من خلاله... جالسة هناك... تنظرين الى المكان الذي اعتدت الوقوف به.... نعم رأيتك في القمر... بل ان القمر هو من صورك... بل لعله اراد ان يجعلني اراك... هل راقبتي القمر... ام كنتي تقضين ليلك بالبكاء... والألم... ماذا؟؟؟ لماذا؟؟؟ كيف تسالين السؤال... انا لا افتقدك... لا احبك... ليس شرطا ان افعل ما تفعلين.... ربما افعل اعظم منه.... شوقي اليك ابعثه كل مساء مع نسمات الليل العليلة... كل صباح مع اشراقة شمس جديدة... او لم يصلك شوقي... ايضا... لما نبرة التحدي... لما التهديد... اعلم بأنانيتك... واعشقها... فهي تدعو للتفرد والتملك... وكلاهما بالحب عظيم... حبيبتي... اوترين حبي اذلالاً... او تعتقديت بتضحيتك من اجل حبي شي لا يطاق... بل ربما امر لا يجب ... كيف يكون القرار... وانا بعيد عن هنا.... كيف تريني ابادلك الحب... كبرياء... عزة... أنفة... احترمها بداخلك... واقدرها بأعماقي... كيف اقترحتي الكبرياء... هل جرحت كبريائك... ام ترين حبي يذلك حد الكبرياء,,,, لما لا نتحرر... ونكون كما نحن والحب,,,, كلماتي شفاء جروحك..... ووعودي ايمان بطقوسك... فكيف تنكرين اكتفائك بهما.... حتى الوقت الذي اعيشه معك لم يصل حد الأكتفاء... ولا الصبر حد الكفا.... تقصيري ما كان مني... القدر يجعلنا نقسو على ارواحنا... قلوبنا... ولكنه لن يستطيع ان ينتزع حبا اختلج الأثنان معا.... نعم اعترف بظلمك معي... ولكن يجب ان تعودي الى الوراء... الى ذلك اليوم... حينما اطلعتك على سري... اتذكرين... عند المساء,.... يوم قلت لك... حبيبتي... اخشى ان يصل حبي لك حدا لا تطيقينني به.. فأسرعتي بوضع اناملك على شفتاي تطلبين السكوت.. لا تكمل..سأظل احبك مهما حصل.. ولن يحملني حبك الا زيادة بحبك.. ابتسمت وقلت لكِ.. حبيبتي..اعرف ما انا مقدم عليه.. واعرف من هو بداخلي.. حبي ليس له حد ... حبي لا يقف عن العطاء... ومع ذلك ستكرهينني بسبب حبي لك.. عندها سقطت دمعة... من عينيك.. على وجنتيك سارت... وطأطأتي رأسك.. عندها..ادركت ما بداخلك... قلب ينبض مناديا بالحب... فمنحتكي اياه... بلا تردد... والآن... بعد الغياب.. اعترفتي انك لا تكرهيني.. ولكنك سترحلين.. تطلبين مني ان اعيدك كما كنتي.. كيف لي ذلك... بل اني لا اريد ذلك... ايام حرامان عشتها بسببي... الحيرة اكتنفتك بسببي... الضياع الداخلي كان بسببي... .. هل فعلا تطلبين الرحيل... اعلم بحبك.. وتدركين ما احمله من حب لك... لما يكون الرحيل هو الملاذ الوحيد.. لما لا نحارب... نعم نحن نتألم... ولكننا نحب... فمن اجل الحب سنحارب.. الا ... حبيبتي... لتعلمي.. وتدركي.. اني لن امل فرصة تعلقني بك من غير ان احذوه... لن اترك ثغرة من خلالها احملك على تحمل ما بقي لي من سنوات الفراق... الا وولجت بها.. من اجلك..ومن اجل حبك...ومن اجل ما تحملين بداخل احشاءك... ذلك القلب الذي طالما اخاف عليه.... لما ترينها ... لما تفسرينها... حب..قصة..حكاية.. ابطالها صغار... واخفق بنهايتها... كيف بي افعل ذلك.. او تعتقدين اني احب من اجل اكمال فراغ رومانسيتي بالحب.... اأنتي تواقة الى النهاية... لما استعجلتها.. الم تكن ايام حبنا حميلة... اعلم اننا سنعيشها في النهاية .. ولكننا لا نستعجل النهاية... ما دمنا نسعد بها ... ولكن شككِ يقتلني... ارى من بين كلماتك تخوفا... بل مطلبا.. للرحيل.. والابتعاد... لماذا حبيبتي كل ذاك... ... هل ادركت كلمااتي الآن... في ذلك المساء.. حبي سيحملك على كرهي... ولم تصدقيني.. وها أنتي اليوم لم تحتملي.. وتطالبين بالرحيل.. الى عاصمة الوحشة وميناء الدموع... ومع ذلك ... تطلبين مني الوداع... كم اشتاق اليك.. وكم..... أحبك.. فهل.. تحبينني... جوابك.. بقاؤك... فهل سترحلين... لشاعر فلاح عشوي العنزي ================================== (دفتر الاحزان) عشنا معانات العمر دون تبرير= وأكبر قهر لاصرت مقدر أقوله لامن كتبت أحساس صاحت تعابير= دكت طبول الحرب عزت خيوله يابنت هالدنيا طلاسم وتغيير= تبكي على مهر المشاعر جفوله في دفتر الاحزان نكتب عن الغير= نكتب على صدر الكتابه بطوله دلو المعاني لاتحدر على بير= ماهو معين خير يسحب هطوله لاصار للحب فيه دوله وتفسير= تدرين انتي شعب والناس دوله لوقلتلك شل الزمن روح تفكير= وانتي حياه الكون عرضه وطوله في ذمتي لمشيك درب ومشاوير= وصعد على ظهر الزمان وأطوله مبدع جزل جدا وبلوه وش يصير= لاشاف وجهك يبتسم في طفوله تنفجر الدنيا وحبي نواوير= ياغايتي أنتي وحبي وصوله أنتي حياه القلب لو هاجر الطير= سلمي تغني لي وروحي خجوله بقلم فلاح عشوي العنزي ================================== (( سحايب دموع )) الايام تبكيني على غير عادتها .. وانا شاب قلبي وانكوى من فعايلها.. غريب بكاها رغم قوة صلابتها .. ولكنها تشفق علية واجاملها.. صعيبة وتغرينا بجمال ابتسامتها.. وانا خانني حظي وطحت بحبايلها.. صحيح البداية غلطتي ماهي غلطتها.. لكن الاسف والمعذرة ماتقبلها .. سالت الليالي وعدتني اجابتها .. تقول الاماني جف ماها بجدولها.. سحايب دموعي حرقتني حرارتها.. كما نار بركان عظيمة هوايها.. الاياعذاب الوقت اعلن نهايتها.. وعطني اوفر دايم يحدد تعادلها ؟؟ قبل يغرق المركب وتغرق حمولتها.. وتضيع الامال وباطن البحر ياكلها.. وقبل ينكسر دمعي واعاني بسبتها.. وتحرق عيوني زود مالجرح طايلها.. كفاية احمل النفس من فوق طاقتها.. وانا مومن وادعي عسى الله يعدلها لشاعر فلاح عشوي العنزي ================================= (طويل الصبــر ) ياطير قلبي تركت القلب لجراحك واغراك هاك الجناح وطرت بالعالي تركتني للسهر..واطفيت مصباحك والليل من دون قربك..موحش وخالي ياللي عشانك تحمل قلبي ارماحك رضيت منك الطعون وقلت من غالي افرح من افراح قلبك وحضن افراحك واحزن من احزان عينك يابعد حالي تعبت امني طويل الصبر.. مفتاحك طولت بالي عليك وطال غربالي يجتاحني شوق ليته دون يجتاحك ياللي وصالك ابد ماغاب عن باللي ياطير قلبي وفيت.. ولاكن اجناحك خلاك تبعد..بعيد..وتخذل امالي ياطير قلبي ذبحت القلب بجراحك نسيت عندي وفاك ..وطرت بالعالي لشاعر فلاح عشوي الع نـــزي ===================================== (مسافات ودروب) للعشق فـي قلبـي مسافـات ودروب= كـنّ الحنايـا تنتفض وسط غابه حاولت أنا انسى العشق وأرتـاح واتـوب= بس العـذر والذنـب عنـدي تشابـه أخذت من دنيـا العذابيـن عـذروب= جـرح وقلـم عيـا يطيـق الكتابـه حمّلت نفسـي بالغـلا هـمّ وذنـوب= قلبي طعنته والتـوى مـن صوابـه صار الشقى فوق الحجاجين مكتـوب= والهم زاد وصار فيني عذابه كن القمر عن نظرة العين محجـوب= والشمس تضحك للظمأ مـع سرابـه حتى الفرح يذكـر مواعيـد عرقـوب= يامـا تواعدنـا علـى جـال بـابـه واخذت نفسي جيت من غير مصحوب= دورّت فرحـي منهـو اللـي غدابـه بس اكتشفت أن المسافه لهـا دروب= درب الشقى والدرب الآخـر صوابـه لشاعر فلاح عشوي العنزي =================================== (اجــــــمــــــل ايـــــــــامي ) متى شمسك علي تعطف متى ليلك يحس فيني متى ظني معي يصدق واشوفك بالعمر مره كرهت الناس من بعدك كرهت اللي يواسيني كرهت ولابقى بالكون من خيره ولاشره رضيت برفقه احزاني رضيت بشي يعنيني رضيت بحكمه أيامي زماني لوقضى امره حبيبي لاتظن البعد حل حلو ينسيني ورب الكون ياحبي لقيت البعد اهو الذكره تبيني انساك علمني مني عيني ومن عيني ولكن حيله المبلي اذا حبك معه عذره انا طبعي اذا حبيت احب بكل مافيني اجل لو قلت انا احبك خيالي ماوسع كبره حبيبي الحاضر الغايب دخيلك لاتخليني أحس أيامي من بعدك حبيبي كلها حسره حبيبي هدني بعدك وأنا اللي فيني كافيني ترفق يابعد عمري وشلي باقي اخسره امانه مابقى فيني غير العطف يحويني ولو أني خسرت العطف انا المجنون في أسره أنا بعدك بقايا أنسان لوتنهيني تنهيني ولكن قلبك الطيب بموضوعي يرد نظره لقيتك أجــمل أيامي لقيتك اروع سنيني لقيتك في خيال الشاعر اللي مالكه فكره أنا بعطيك ماأبخل بكل ماتملك يديني ولوقلت العمر بقول تستاهل بعد عمره لشاعر فلاح عشوي العنزي =================================== قصيده بالشيخ سالــم العلــي الصبـاح حفظه الله ورعه هذي القصيده مدح بسمو الشيخ : سالم العلي الصباح حفظه الله ورعه ,, سلام يانسل الحرار الحلاحيل.. سلام ياشيخ يساوي قبيله شيخ تعلا مطلع الجدي وسهيل.. من روس قوم العاديه والنفيله يامروري العطشان يامزبر الهيل.. ياللي مواكيرك براس الطويله ملكتني بالطيب ياشيخ بالحيل.. ولو مامدحتك يالسنافي فشيله تعطي ولا تبغى مدايح وتبجيل.. متواضع ياطيب بنفس عليله فيك افتخر يابن الشيوخ المشاكيل.. دمث الحلق مافيك كود الفضيله قلبك وبيتك للخلايق مداهيل.. مفطور من صغرك لكسب الجميله.. ماتعتذر بظروف والا مشاغيل طيبك فلا عينت طيب مثيله.. وليا ادلهم الهم ثم اعمس الليل تاقف ياشيخ سالم..وهمي تزيله.. لله درك .. ياغناه الرجاجيل لله درك ..ماوطيت الرذيله.. تفخر بك الاجيال جيل ورى جيل زيزوم وفعولك نوادر اصيله.. منهو برك للحمل ملزوم بالشيل وانا اشهد ان الحمل كله تشيله.. ياعزوتي ومركاي في ساعه الميل ومن ضامته دنياه تشفي غليله.. واللي يقول ابغى على القول تدليل ينشد ارامل مالقت من يعيله.. وينشد يتامى حدها الجوع والويل وينشد ضعيف مالقا من يجيله.. عسى بحياتك ماتشوف البهاديل يامسند ما ابغى سناد بديله.. علمتني ان المصاعب تساهيل وان اجزل اشعاري بحقك قليله.. شعر فلاح عشوي العنزي ====================================== (وجــــهــــــك غــــبـــر.. ) ياصغير علي الحين عظمك جبر= ذبحه القلب صابتني بطعنه يديك والله اني حشمتك مير وجهك غبر= كنت ادور نقا وجهي وانا مستريك يوم عينك محاجرها تهل العبر= ترتجيني دخيل الله وداخل عليك قلت لي الف تكفى واتحرى خبر= اني اكون لك وحدك ولالك شريك لين حطيت لك بين الحنايا قبر= صرت احبك وروحي كلها تموت فيك كم تمنى خفوقي غيرك ولاقدر= كل من قال ابيك اقول له ماأبيك غير كثر الوفا من صاحبك مابدر= مع حنان بعدي بالعطا والديك في غيابك ملا جوي حزن مع كدر= كل ليله تمر الا وأنا محتريك ماتوقعتها منك يجيني غدر= وأنك تخون ..ومنين الخيانه تجيك حب خليت فيها حب ولا قدر= قلب هو عاد به قلب لجل يحتويك صبرعقتك ومن سبتك عفت الصبر= دام مني نهيتك لاتظن ابتديك كنت غالي على الخفاق مر وعبر= غبت محد غصبك والف من يقتفيك رحت وارد وغيرك بالمحبه صدر= وانت خل الخيانه عدها يرتويك كان عمرك كبر قدرك ترى ماكبر= عقب شفتك بعيني حسبي الله عليك من ضحك لك تجيه ولاتصدق خبر= صدمة شيبت عين وخفوقي يبيك والحقيقه حشمتك مير وجهك غبر= أه يالظلع الاعوج خاب من يرتجيك لشاعر فلاح عشوي العنزي ===================================== ((قـــــصـــــر المحـــبـــــــــــه )) يا زين لاتحسبن حبك تناسيته يا زين لا تحسبني دالهن سالي البارحه دمع عيني منك هليته لجلك سهرت الليالي عزي الحالي ياما وياما مسحت الدمع واخفيته من سبتك عفت حلو النوم يالغالي حبك وسرك على العذال مبديته اخفيت هم لجيت انساه ماجالي اخلفت ظني وهجرك ماتحريته وقتي لعبي وصار الحب غربالي اذكر زمان مضى وياك قضيته يا زين وقت لنا دايم يو رالي أنت الذي بد كل الناس حبيته يابو عيون هدبها تحته ظلالي تحت القمر ساهر والصبر مليته كن القمر شبه نورك ياهوى بالي ليت الصبر ينشرى يا زين يا ليته أشريه لو هويباع بروس الاموالي وليت المناوي تحقق ماتمنيته أوليت حظي يعدل بعض الاحوالي قلبي معك يالطيف الروح خليته العام يومك قريب عندي موالي واليوم درب الخطر دونك تعديته حظي تعثر وشوفك ماتهيالي عفت البلد عقبكم عفته وكبيته من عقبكم داركم مثل الخلا الخالي يا كيف ابنسى وزولك ماتناسيته حسبي على اللي حرمني منك عزالي ماعاد لي عقبكم خل ترجيته ارجي عسى الله يزيل الهم عن حالي قصر المحبه بنيته وانت هديته واتعبت قلبي ولا تدري عن احوالي بقلم الشاعر فلاح عشوي العنزي ======================================= (عــيــــــــد الحــــــب) في يوم عيد الحب عطني هدايا عطني هديه..حب ونظره حبايب نظره تكفيني ولا أبي عطايا نبقى حبايب في زمن العجايب حبك مسوي وسط قلبي سوايا ماني بتايب لو يقولون تايب حبي حقيقه في جميع النوايا ان قلت حبايب قلت انا حيل حبايب انا علشانك تزايد عنايا ولاتردني في تالي العمر خايب هديتلك مني كلام ووصايا وقلب ينبضه في تغليك ذايب قلبي تقطع ورد احمر زوايا في كل ركن اشوف من كان غايب ياجعل عيد الحب يطوي سمايا وافرح معك في كل وقت قرايب ياعيد حبي ياجمال الصبايا انا بدونك كل وقتي غرايب فلاح عشوي العنزي =================================== (القـــــــــــدر محتــــــــوم ) عجزت اطرد زمان راح واقفا عقب ذاك اليوم عجزت شلون ؟ مدري ؟ كيف ؟ احب اشخاص ولا اكره وليه اجلس مع بالي وليه استر على المكتوم مدام الله خلق فيني الشعر ماني بمحتكره احب اللي فرض ربي قنوع وراضي بالمقسوم احب الساير التفكير احب اعانق المهره واحب القمره اللي لاضوها يمحي ضياها نجوم واحب الليل لعيونك واطاول واعشق السهره واحب مخاصب العذال وازيد اللوم فوق اللوم واضيق ان شفت قاع البيد يباس وكلها ندره خلقني الله شاعر منكبي عزمه قوي عزوم حماني الله من غــي الزمان وجيت بالفطره تساومني الليالي وامتلا جسمي عنا وهموم ومنك الهم لاطول اقول يروح من بكره وتبقيلي غنيمه لاتقاسمنا حلال القوم وبقيتلي سحاب الغيث ومنك ماوصلت قطره واذا انتي بترضين يغزي قلبي شقا وسهوم تراني مابقا فيني مكان الغزه لابره تعالي واقربي مني وحلي كربت المضيوم تعالي وارفقي بي مابقالي فالهوى دبره تعالي واسمعي مني كلامي والــقدر محتـــوم تعالي نختم اللي قلت في نبذه ونختصره تعالي واساليني ليش اعاتب كل يوم ويوم لاني من كثر ما اعشق اشوف الزول من عشره لشاعر فلاح عشوي العنزي =========================================== (حــــــــــلـــــــــــم اللــــــــيــــــل ) جتني في حلم الليل تمشي وتختال تبقى نجوم الليل تمحي اثرها وتذكرت نفسي هواها والاطلال وايام راحت عايش انتظرها واصبحت بين الحقيقه والامال وجهي ضحك وهمومي حالي قهرها ياليت حلم الليل يصدق بالاحوال ويجيب لروحي غرام اسرها الصبح من عينه خذ النور واختال والصبح بان وغاب عني خبرها ياحسرتي هذا الزمان غربل الحال وعزاي منها ما بقى الا صورها لشاعر فلاح عشوي العنزي ============================ (يــــادنــيــتـــــــي) يادنيتي والهموم اللي من اسبابي يومك تقولين كاس المر شاربته لايشغلك لوبعينك كثرو احبابي ماغيرك اللي تمنيته وصاحبته مابي بها الكون غير مشاهدك مابي لاصار حبك خطا ويكفيني اذنبته ياماجيتك غرام يطوي اركابي وياما رميت بعيونك طيف ماصبته قل للهوى لو بغى ينشد عن غيابي عذبني الشوق بغيابي وعذبته مدام ثلج القلوب من البطا ذابي والهم لجل اصلك من غربتي جيته بالله بلغ غرامك ويتوصابي لاصارهالقلب بين ايديك ناهبته ماني بقايل غرامك ويش سوابي يكفيني اللي بحالي حيل سببته ماشفت الجرح من دونك تسلابي ناشبني الجرح بغيابك وناشبته بعيونك الحب نظره تلفت اعجابي لوكان قبلك كثير الحب جربته بقلم الشاعر فلاح عشوي العنزي ==================================== (شــــــمــــــــوع الــــــســــعــــــاده ) افرحي يابنت لجل اغني واسليك وانسي هموم الكون واقعد اقبالي ابمسح دموعك واعطني أياديك نضوي شموع السعاده ويرتاح بالي وشفيك ضايق ياهوى البال وشفيك حيرتني وياك جــاوب سوالــي لاعاش منهو ياحبيبي يبكيك ولا دام وقت فيه تبكي ليالي كاني غلطت ازعل وانا بعمري اراضيك ماغيرك احد يشغل فيه بالي ليتك تناظر قلبي الي يناديك وليتك تعرف اليوم شلي جرالي ما اقوى اشوف الحزن يسكن محانيك افرح وخل الحزن يصبح محالي امر تدلل ياحبيبي وانا اعطيك لوتطلب عيوني وروحي ومالي بقلم فلاح عشوي العنزي =================================== ((ابيــــــك وما ابــــي غـــيرك )) أبيك و ما أبي غيرك على صدري تعال ونــام أبيك ويشهد البـــاري ملكت أرض الغلا فيني أغيب أيام وارجع لك بشوقٍ يحتريك أعــوام بعيد لكن بروحي سكنت وضمتــك عينــي ثلاث أيام بهن عمري كتب موته بعد ما قـــــام ودمع العين يا ويلي يدق البـــاب ويلفينــي أنا من رحت حلت بي هموم ٍعشتها واسقـــام ملت روحي يا روح الروح..حضنت الموت بيديني ملامح لهفتك تضوي سماي وقلبي لاأبد مــــا رام يا كود تمره بليله وتشعل بـــــاقي سنينـــي تزاحم في الحشا نبضي وتسكن في المنام أحلام تمنت تلتقيك اليوم ومدري كــــــان يمدينـــي أنا لا قلت فمان الله أحس بخافقي سهـــــام تزيد طعونها وتغرس ألم واحــــــزان تكوينـي تقول اليوم تعال لي دخيلك عجل باقـــــدام خطت فوق الثرى تنوي بعـــــادي بس يكفيني دخيل الضمة واللمة فديتك عمري وانت الهام يحرك خافي أشواقي وبعد المــــوت يحييني طلبتك لا تغفي عينك على ليلٍ حلف ما ينــــام تراني يمك وحــولك أسقي بـــــك شــــراييني تصدق كل كلماتك حلا منثور وريح خـــــزام تعطر خافقي ومعهـــــا أضيعهــا عنــــــاويني أحبك والغلا يشهد وحرف يشتعل واقـــــلام تخط بحبرها أعــــذب قصيــــدة في دواوينــي لشاعر فلاح عشوي العنزي ======================================= (امســــحـــك من حيـــــاتـــــــــي ) ابنسحب وانا امسحك من حياتي مليت حب فيه مثلك وشرواك بنساك وانسى ايامنا الماضياتي وعساك تبقى بنار الاشواق تصلاك مثلك حرام اتذكره في مباتي ماعاد قلبي مستهيم بطرياك سليت عنك ولا تناسيت ذاتي لو قلت ابي قربك تناسيت فرقاك مركب رسول الحب في صمتي فاتي من قال لي شفنا حبيبك وشفناك مع رحله اهل الياس ضاعت سواتي عن ملمس الورد بقيت المس اشواك لشاعر فلاح عشوي العنزي ============================ ( المــــــــــواقـــــف) يالله انك تسقي سنين مضت قبل الدراسه يومني مافارق العابي ومشغول معاها جاهل سني صغير وماعرفت الا الوناسه ومن سالني عن هدومي قلت ابوي اللي شراها اثر كل اصغير يكبر والعمر فيه انتكاسه والشباب افضل مراحل العمر وافضل مستواها قلب ياللي كل ماهب الهواعود اعماسه يحتري الفرصه وهي تبعد وكنه محتريها كم نصحته قلت وله ياقلب غير ذا السياسه كم نفوس مانفعها الطب واعماها دواها وكل رجل لابغى يلبس يدور من مقاسه وادري ارضا الناس غايه بس مدري وش رضاها يالله انك تقطع اللي مايعرف الا البلاسه بين ربعه وينقل الهرجه ويشذب في قفاها يسقط الواحد العمره صارت الدعوا نحاسه كل منهم راغب نفسه ويتبع مشتهاها ويالله انك تقطع قلوب بداخلها خساسه والنوايا السيئه يارب عجل في فناها والقلوب الميته فيها مع الخبيث النحاسه شرها للطيبين وماتهاب الأ عداها كم شربت من الزمان وكم سقاني مركاسه بين هم وبين جورز وماخذت الاحداها والمناصب والكراسي والمسمى والرئاسه كل ابيها هم والدنيا تعب مكثر غثاها ودك ان الرجل عارف ياخذ علومه براسه يتبع السيئه بالحسنه والذنوب اللي جناها كل واحد لو تنكر يرجع العرقه وساسه والذيابه لاذبحها الجوع تزعج في عواها مايفيد بذا الزمان الا المهابه والشراسه حرص لبندق ولكن خلها داخل اخباها بيت شعري لاكتبته اتفاجا بقتباسه كل شاعر ياخذ الفكره وكنه ماخذها فضل الناس الجلوس وكسر الحطاب فاسه وكل راعي مهنه ريح ذلوله من عناها قالو ان الضغط للكهرب يولد التماسه كيف طيب في ضغوطات الحياه وفي شقاها وكان شفت ان المريض اصبح يبالغ في عطاسه قرب المخطر بنار حاميه بس صلها والصداقه لاغدت بالسر والا بالدساسه اخرتها تنتهي اما عشيه او ضحاها في مناكب الارض نمشي وابسكينه وابر ساسه نرجي اللي مدته تشبع ليا منه عطاها لاتطاوع للزمان وفتنه القلب وحماسه ولاتغرك ضحكه الدنيا ترا العقيبه وراها وكل مغتر بنفسه والشباب وقوباسه لو لحق دنياه والله مايلاقي منتهاها ويالله انك ترحم ايام مضت وقت الدراسه يومني لاشفت نجل العين مشكي من حلاها لشاعر فلاح عشوي العنزي ================================== ((جمــــالك ياعجـــيـــــــب )) جل من صور جمالك ياعجيب احسنه بالخلق رب خالقه من يشوفك عاش بالدنيا عطيب عيونك للعشاق سهوم حارقه ومن تولع بك ماظنتي يطيب مايطيب انسان حبك طارقه عايش بالياك بالدنيا غريب انت مني كل شي سارقه قلبي غيرك مايحبه حبيب غيركم ماشوف شمس شارقه من يودك ليه ماتستجيب اسالك بالله ليش تفارقه ياغريبه منك قلبي مستصيب نظره بالعين منكم فارقه لشاعر فلاح عشوي العنزي ===================================== (الـــــــعـــرس قـــــــــربــــــــ ) عقب البطا..جتني تقول استمعلي ركز معي بالقول ياذرب الايمان العرس قرب ..يابعد كل من لي مجبوره بالعرس والناس عدوان لامن بكيت وصحت قالو تغلي هذي طبوع البيض في كل الازمان ولامن سكت وقام دمعي يهلي قالو رضيت بالعرس والصمت برهان تاهم وتهنا يابن الاجواد ياللي بأديك حل يجعل القلب فرحان رد الخبر والعلم باللي حصلي حيثي شرحت القول عن كل مكان قلت اسمعي يابنت ماشوف حلي ماشوف بايدي حل ياخدر الاعيان العرس قرب مير مالك جدالي ياكود تطلب خالق الانس والجان ان الكدر والهم عنك يزلي وتعيش بالدنيا سعيد وطربان مع الذي عقبي غداله محلي اللي خذاك اليوم ياصاف الاوجان خلك معه وارجوك لا تتصلي وانسى بنسى ولا نياب ندمان مادام قربك لي بالسرف ماحصلي على الردا مابيك والعلم وكدان وحب على غير الشرف فيه ذللي ومنهو رضاء بالذل يازين خسران القول تم وجيت بالقول كلي واشره علي ان كان بالقول نقصان لشاعر فلاح عشوي العنزي ================================ (مجــــــــــــروح من كثره جفاك ) اسمــــع الجـــواب منــى تــوه جـــــاك اذا كـــان الجــواب مو يصعـــب علـــيك انا اللــى مجـــروح مــن كثــرة جفــاك و صار القلب ينزف من طعنة ايديــــــــك حـــرت انا مــا عرفــت كيفه رضــــــاك واتعـــبت نفســى وهـى تهديــه ليــــك تحكــم علــى فــى محاكــم هـــــــواك وانا اللـــى اعفــــى دومـــا علــــــــيك الدمـــع ينهـل ما لاقــى مثلــك مـــــلاك تمســــح علـــى وجناتــــى بأيديـــــك يصيــــح القلـــب ينــادى وش بــــــلاك جانــى اذا أنــا خايـــــــــف عليـــــــك جمـــــد القلـــــب ما عنـــــده حـــــراك وانـــــت تلهـــو بيـن النــاس يرضــــيك شــوف تلقانــى اهيـــم فـى سمـــــاك ومثــــل السمــك للبحــر اسبــح فيـــك اعــــذرك يا محبـــوب يــــوم القـــــاك عنــــد بابــى تمســى وانــا أهلــــيك وهذا البيــــت اللى عقلى معاه حـــاك وأنا هــــو هديـــة منـــى أعطــــــيك قسيــت فــي قلـب يحبك ويغلــــيك قسيــت يوم أنه على الخلـق بـــداك فلاح عشوي العنزي | ||||||||
| |||||||||
| |
| | رقم المشاركة : ( 3 ) | ||||||||
| رد: ديوان الشاعر فلاح عشوي العنزي
كُتب : [ 08-21-2010
- 02:54 PM ]
(مــظـلـــوم فــي هالــغـربــــه ) انا يادنيتي مظلوم في هالغربه وفي الترحال وانا يادنيتي مجروح ولا ادري من يداويني وانا يادنيتي مولود في هالدنيا معا الغربال وانا يادنيتي مهموم وهمي هو يخاويني وانا يادنيتي مفقود في وادي الحزن وسيله منال وانا يادنيتي كل يوم اشوف الموت يناديني وانا يادنيتي مضيع دروبي وصار حالي حال وانا كل طريق امشيه اشوف الهم يباريني انا يادنيتي فلاح وراسي مااظنه مال وانا مااظن في يوم انتي توطيني وانا يادنيتي شايل هموم ماتشيله جبال وانا يادنيتي دمعي مايذرف لوتعرفيني وابي امشي مع دروبي وهمومي وحتى لوطريقي مال وابي ارفع كفوفي فوق وادعي ربي يهديني لشاعر فلاح عشوي العنزي ====================================== حبيبي نام ياعمري على صدري وصارحني وفض الصمت باحساسك وخل الحب لي يجري وفضفض لي بعد عمري وعاتبني وفهمني أنا أطري على بالك كثر ماأنته علي تطري؟! تعال أقرب من أحضاني ترى خدك مواعدني يبي يلامس شغف روحي ويقطف بوحي من شعري تعال أنثر هنا ليلك وخل ويلك يولعني أناأحبك وأبي قربك.. ترى مني قضى صبري أنا نبضك زهر أرضك وأنت؟! ايه تملكني بنحل خصرك ..جمر ثغرك وزود بلونك الخمري تتوهني .. تغرقني.. ومن بردك تدثرني وتبكي لي وتشكي لي وله قلبك ومن سحري أبي دموعك مع أنفاسك بصدق الود تحرقني وأبي عطرك مع سحرك وآهك بالحشا تسري أبيه مسك يبعثرني غلا ولمسك يلملمني وأبي عيونك من عيوني تذوب من الولع كثري وأبي عهدك مع وعدك وأبي كلك تسلمني أبي أيدك تسافر بي وزهر قد كي لحفني وأهيم بعالمك عاشق جنوني أنت .. وانت بي تدري تشوف الجمربعيوني؟! تشوف الشوق جنني؟! أجل تدري مثل ما أدري بأنك حلم يابدري حبيبي قوم وصارحني عن احساسك وعلّمني أنا أطري على بالك ؟! كثر ما أنته علي تطري؟ ======================================= (الـــعمــــر من بعدك فانــــي ) احبك حب ماصار في الدنيا مثله اخذ روحي وعقلي وكل كياني حب سرق تفكيري وشوقي كله مااقدر اوصفه يااغلى الاماني احبك حب مافي بعدة ولاقبله حب لقيت وياه احلى المعاني اعترف لك حبيبي واحلف لك والله لو تبتعد عني اشوف الهم واعاني انت غالي ومن حياتي كلها اغلى احبك موت ولا افكر باحد ثاني وانت نور عيني والشمس وسيد البشر جمله والله العمر من بعدك ياسيدي فاني لشاعر فلاح عشوي العنزي ============================= (رحــــله العـــمــــر ) رحله العمر كانت قبل اشوف سراب ومن عرفتك تغير كل مجري حياتي ذقت طعم السعادة بعد ذاك العذاب وابتسم لي زماني رغم لؤم الوشاتي قبل اشوفك تراني عايش بــ اكتئاب بين جور الظروف وقسوة اهل الشماتي كنت عايش بجوما بروحه الضباب تايه مــ ادري ويني قابع في شقاتي شاب راسي وانا اللي في ربيع الشباب مانفعني قصيدي ومانفعني ثباتي وبعد طول انتظاري والاسي والعتاب ساقك الحظ يمي يا اعز امنياتي طاب معاك التلاقي بعد تلك الصعاب في ظلال المحبة يا عيون المهاتي لشاعر فلاح عشوي العنزي ================================= (اهــــات وادمـــوع ) مابقى من ذكراك غير الندم مابقى غير اهات وادموع جسر المحبه بيننا انهدم وقلبي ماعاد لك خضوع كنت اتصور ان الحياه بدونك عدم وانتي اللي فيها النور والشموع وقلبي ماطلبتى منه شي الا وابتسم وكان منغش في حبك ومخدوع وفي النهايه اسمعيها صرخــه ندم من شخص كان طول عمره لك سموع انتي ظالمه واكبر ظلم وانتي شلال بحره مقطوع لشاعر فلاح عشوي العنزي ========================================= (((مغازل بنات الجامعة كيف راح يكون بالابيات,,,,,,))) مريت على جمعة بنات بالجامعة قاعدات. قمت امر مرات ومرات ومرات.. وجتني وحده وقالت زودها تراك .. قلت ياويلي من شافلة السعودية مثل الغزال البرية .. ياويلي من شافلة الكويتية مثل القمرة في ليلة ممسية .. ياويلي من شافلة البحرينية الخشم سلة السيف والكذلة ميالية .. ياويلي اخاف تنشر الاخبار .. وتنشر بين الناس..والاسرار ,, ياويلي ان أسمعو مني الاكبار والصغار.. قالت : ماجبت من عندك شي جديد.. مايصعب على الناس حتى كسر الحديد.. وقالت واللة انا بحياتي ماني سعيدة .. وقلت : واللة هم انا بحياتي ماني سعيد من صغر .. اول ماجيت البنات وانا عند الناس بعيد.. تستاهلين القلب يازينة هدية .. واذا مكافاك القلب اهديلك عيوني .. غيرك من البنات من يطري عليه.. ومكل زينة من البنات مثلج فتوني.. بقلم : فلاح عشوي العنزي =================================== (يـــاغــــزال الــــــريــــــــم. ) مرحبأ باللي سكن وسط الحنايا وسط قلب ماقدر غيرة ينولة إنت ياملح السوالف والحكايا لبدوي تو مانوخ ذولة بسألك كم طاح من رمشك ظحايا واللة إن العشق في حبك بطولة ياغزال الريم ياسيد الصبايا ياأرق من الندى لحظة نزولة إن تزين تحسدة كل المرايا وإن وقف كن الحلى يلتف حولة وإن همس تهمس معه كل الشفايا وإن رقص كل العذاري صفقوله ياحبيبي جيت لك عندي وصايا جيت أقول العمر خطواته وعجولة جيت في قلبي سواليف وحكايا بس حبيتك وحققت البطوله لشاعر فلاح عشوي العنزي ==================================== ((شفت فلاح لامقيد ولا حرا طليق )) في ظلام الليل نمشي وفي بحرا غريق ولاشرقت شمس الوفا لي كفنها السحاب صارات الخطوة عن الفين ميل بالطريق ضلت الاقدام من يقتدي من وصط الغياب جرحي الليل لاجرحني حبيب ولاصديق سالما منهم ولاكني جرحني الاقتراب الحياة مثلها لاتطيب ولاتليق والقبور بها مثلنا حيل فيها العش طاب اه ياحظن اصيحة عيا لا يضيق لاندهت قال انا وانت وغطانا تراب لاطلبت فزعتة قالي خبرك عتيق ابك انا لا افزع ولاعين ولا اقبل الاغتراب لامعاند يفيد الصياح ولا النعيق دام ياحظي ترديت جعلك للذهاب اة لوتدري عن جرحي يالرفيق حطم الماضي وسوى بحاظرنا انقلاب شفت فلاح لا مقيد ولا حرا طليق كثر مايضحك قبل صارات ايامة غراب صارات الدنياء الوسيعة علية اليوم ضيق ومن قواميس السعادة كتب حالة غياب لشاعر فلاح عشوي العنزي ================================ (انــا مـــــاخــــــون ) حلفت لو عافني الوقت انا ماخون ابقى على عهدي ليوم الوفاتي لعيونها بصير عنتر وفرعون ولعيونها محد يسوي سواتي ولعيونها لو قالو الناس وشلون لمشي على عهده وانفذ وصاتي ولعيونها لو لامو اللي يلوموني لقول هو عمري وقارب نجاتي ولعيونها لاصرت عايش على الكون لرخصلها روحي وقلبي وذاتي ان غاب عني حبيبي صرت مجنون والله يعلم وش يصير بحياتي خلوة عندي دامني فيه مفتون هو مطلبي هو غايتي هو حبيبي وغناتي لشاعر فلاح عشوي العنزي ======================================= (تعلمت الهوى من جمانـــــــــــه ) صدفة تعلمت الهوى من جمانة اللي لها قلبي بدا حيل يشتاق همساتها ردت لقلبي حنانة واليا حكت صار الطرب بين عشاق يلعن ابوها طيحتها الميانة واصبحت هايم في هداها ومشتاق في وصفاها الشاعر يتلعثم لسانة لو ينكتب ماتاسعة بيض الاوراق هي كنها درة في وصف دانة وجبينها صاطع مثل شمس الاشراق والخافق اللي هزتة من كيانه يبقى لها يرسل تعابير واشواق واليوم خلتني وحيد بزمانة اقفت بعد ماجونا بالهوى راق لا وحسايف منة جت من الخيانة عزوة ناسا واحرقوا قلبي حراق بالكذب والله زينولة مكانة مسكين حطوة متاهات وارهاق خلوة يترك من يحبة وصانة في وصط عينة بالمخاليق ملاق واليوم لو يرجع علي اهانة اخترت عن حبها بعد وفراق حان الرحيل وصار هذا اوانة ابجبرة حتى لو القلب ماطاق انا عشقتك بس كنتي جبانة وماعاد لك في داخل القلب خفاق الشاعر فلاح عشوي العنزي ==================================== (ياحلوه) ياحلوة انتي جبتي الزين من وين يافاتنه غيرتي الحكي كله شتتي افكاري على اليسار ويمين الحكي منك لا حشا مانمله ياساحره كل البشر والملايين حني علي بنظره العين طله يادوب اكحل العين بشوفت العين حتى ان زولك مايفارق محله انتي وضعتي حالتي بين قوسين انتي جروح القلب وانتي دوائه انتي وشاح الزين ياقمه الزين وانتي جمال الروح وانتي هل له لشاعر فلاح عشوي العنزي ============================= ( انتي الدلع) كلي معك وان ماكفى كلني لك.. تعال خذني وخطوتي تسبق خطاك.. اجيك ضامي وارتوي قبل لا اوصلك.. واوصلك واضمي وارتوي وارجع اضماك .. القاك فيني والتقي فيك داخلك.. واخاف لا اشوفك ولاعاد القاك .. وازعل على نفسي ولا اقدر ازعلك.. حتى الزعل فيني يدور على رضاك.. شفني يثير الصمت فيني تاملك ؟؟ ويثور قلبي من سهم رمش عيناك.. هتان شعري ماقوى عن تجاهلك.. ماصد حرفي عن ملامح محياك.. يضيع وصفك مع بدايات اولك.. وابدا من الاخر واضيع بحلاياك.. اية انكسر وجة الدلع يوم قابلك.. وانتي الدلع ..والا الدلع هو تبناك.. والوردة اللي شلتها بين اناملك.. تفتحت لاصارت بكف يمناك.. تروي من عروقك وتعكس تعاملك .. وتسرق من انفاسك وتاخذ مزاياك.. انت الغلا ومنك الغلا فيك يسالك.. الحب اصل الحب ماكان لولاك.. كلي معك ..عفوا انا كلي لك.. تعال خذني وخلني دوم وياك . لشاعر فلاح عشوي العنزي =================================== دخيلك ) دخيلك لاتغيب عن عيوني ولاتخليني مدام القلب مملكتك وانتي فيه سلطانه انا وليا متى اكتب قصيده حزن بيديني انا وليا متى اخفي غرام طال عنوانه معي اوراق تبكيني وزمان حيل منهيني انا لولاك عزف حزني الاياطول الحانه احبك كثر ماقدر جميله انتي بعيني واحبك كثر ماتعشق طيور الحب اغصانه الا يا اجمل من اللولو ومن الاماس في عيني انا وش لي باللولو مدامك انتي الدانه فلاح عشو ي العنزي ======================================= اذا تبي تعرف البنت اذا حبت واش يمكن يصير ؟ حبيبتي مشتاقتلك والشووووق موت معـاد فينـي أنتظـر حــاولـت لكـن ماقويـت ...!!حـاول تحـس حــاول تفهـم حـالتـي * بنـت عشقـت * ......!! تدري إذا البنـت عشقـت وش ممكـن يـصـيـر .....؟ يووووه لو تدري وش عشـق البنات .... موت ... وحياة ...!! وأشيـاء ابـد ماتتوصـف ...!! تبـي تعـرف البنت إذا دشـت هــوى ....!؟ تنثــر لها دمعه .. حلووووووووووه تشبـه لحبـات المطـر ... بس دافيــه حيــــل ....! وتشري لهـا شمعــه .. لونهـا وردي ... وتفرح إذا هي تحترق ...!! وتجلس بغرفتهـا كثيــر .. تصحى وتنام ....!! ودايم كســل وتضحـك شوي ،،، وتبكـي شوي ...! وتقول احيانآ كلام هي نفسهـا ماتفهمــه ...؛" وتغيــر العطـر القديــم وتكـره ملابسهـا القديمــه .... وتشري لها دفتر جديد وتكتب عليـه .. بعض الطلاسـم .. والحروف والباااقي كلــه شخبـطـه ....!ّ وتموت بالليمون .. والشاي الخفيـف وتقرآ شعـر كلـه غــزل وتقول : يوووه ...!! الله على عشق البنات يحليلهـم ....مره يحبون الهــوى ... وإذادخلوه ضاعوا ولا دلوا طريق ...!! إمشي على شط البحر ... وشوف البنات هذيك غرقانه وهذي تصيـح والثالثـه تمشي وتطيـح وبحـر الهوى ملعـــون مايرحـم آحـد ...!! يمووووت في قتـل البنات عــرفــت وش عشــق البنـات ....؟!! انا وحــده عشقـت ... وبغت من الفرحـه تطيــر ... فديتهـا كانت صغيره حيل ...!! وإللي تحـب بعد صغيـر ....!! وتواعدوا .. وتعاهدوا ....وبنوا من الفرحـه خيـال وآختاروا اسمـاء العيـال ومشـى العمـر وهـم سـوى يبنـون احــلام وآمـال وفجــــــــــــــــــــــآه صحوا من حلمهـم ... يقول إمي مارضـت ويقول صعب اتزوجـك يمكـن عرفتي غيري رجـال كثيـر ....!! حتى إتهمها بالخيانـة معقولــه العاشق يخون ..؟؟؟ وعشق مضى بلحظـه يهون بكـت / ،، بكـت / ،، بكـت إليـن دمعتهـا يبسـت ... مـن جــد ماعنده ضميـــر ,,, حبيـبي ..؟ تدري بـ شي ...؟ انا بصراحـه خايفـه اخاف يوم تتركني على جال الطريـق وترحـل بعيـد وتصبـح مثل باقي الرجـال ماتفهـم قلوب البنات ... تدري اش يصير ...؟ والله لااموت من القهـروابكي على معنى الهوى وآخذ عـزى كل البنـات وآكـتـب رسالـه للقمـر واقولــه: " لاتنخدع من الرجـال مهمـا وصفوك " ومهمـا تغنوا في بهاك ... بـاكــر يخلونك تموت من القهـر ... عرفت الحين وش سر الهوى عند البنات كلمات فلاح عشوي العنزي ========================================= ((الفخر هو راس مالي)) كل تغنى وصفق بصـوت عالـي عن حبيب سكـن قلبـه ونـاداه ويكتب قصيده وفيه شـي خيالـي كله لجل يرضـي حبيبـه بيمنـاه والبعض يكتب وتلقى بكلامه توالي صراخ ونيـاح ودمـوع بفرقـاه وتلقى الحبيب بصرخته مايبالـي وتلقاه يكتب له خواطر ويترجـاه يالعنبـو كلمـه تكـون بكلامـي اذا نساني يـوم وجبـت طريـاه انا عنزي والفخر هو راس مالـي ا لي نساني يـوم انساه..انسـاه تعلمتها من ابوي واعلمها عيالي العنزي شامخ على طول ممشـاه واخر كلامي خوذو احلى سلامـي وخوذو وعد مني اليـوم انسـاه لشاعر فلاح عشوي العنزي =================================== (( الحيـــا ه اتعـــاب )) صحيح ان الحياة اتعاب مدام ان الزمان اتعاب .. وانا ما اتعبني اكثر منك ياللي غبت عن عيني .. ياليت ان المحبة روح مافيها جفا وغياب .. بعد ماشفت وش سوى غيابك والجفا فيني .. بعد ماكنت انا وياك جسم وروح صرنا اغراب .. ولاعاد اقدر اشوفك بعد مكنت في ايديني .. على غفلة تغيب من الوجوة وخاطري ماطاب .. وانا اللي كنت ابا انسى كل شي بينك وبيني .. احسب اني صبور ولا نفعني صبري الكذاب .. انا ويني وين الصبر وانت اللي تباريني .. على الحال ما اصبر في غيابك يابعد من غاب .. عسى الله مايجيب الساعة اللي منك تنهيني .. وعلى الحال ماعندك صبر ياقلبي النصاب .. نهيتك للمتاهات الطويلة لاتوديني .. عصيت الشور ماطعت الكلام ولاحفضت احباب .. ولاتقوى الصبر بعد الفراق ولا تواسيني .. حبيبي غابت الفرحة وغاب من الحياة اصحاب .. وبقيت انت الوحيد اللي بها الدنيا مخاويني .. تهب الريح بانسام المحبةلاتسد الباب .. ترا الدنياتميل وعنك مامالت موازيني .. تعال وكثر اعتابك علية كانها بعتاب .. وانا اللي تطلبة في كل حالاتة بيرضيني .. تعبت من السهر لين السهر مل وخفوقي ذاب.. وانا بس انتظر صوتك لومرة يناديني .. وش اللي علمك طبع القسا يالناعم الجذاب.. وش اللي بدالك وانت بحنانك كنت تغريني .. ترا اللي صار كلة والفراق اللي بدون اسباب ..؟ تراها ماتساوي قول تكفا لاتخليني ! لشاعر فلاح عشوي العنزي ========================================= (احساس مرهــف ) يتباني منكم شعور...واجيكم ياللي تربع وسط قلبي غلاكم احساس مرهف بالوفا .. يحتريكم لما..احتوى عذب الوفا .. من وفاكم رووحي تبيكم والمشاعر .. تبيكم والقلب لوطال الزمن مانساكم من حبكم اغار..مني عليكم واخاف شوقي لايعكر..صفاكم مودتي في غيابكم تشتهيكم تخاف لاتفقد ..سنيني عطاكم قبل التلاقي لهفتي تحتريكم والشوق يحرقني لحزن لقاكم عشقي لكم باغلى ..وفا..يشتريكم والعشق نساني حياتي معاكم انتم غلاي وفرحتي في يديكم يزهد شعوري بالفرح في رضاكم صدق النوايا ..تزرع الصدف فيكم لين اثمره صادق هواي وهواكم كلمات فلاح عشوي العنزي ==================================== (لو يفارقني خيالك ما يفارقني غلاك ) لو يفارقني خيالك ما يفارقني غلاك .. كل يوم تجدد غلاك ويزيد لو تصديه قلبي ماتحدى هواك .. اشهد انت بقلبي مثل حبل الوريد تركتني ورحت وبخلت علي في عطاك.. طبع الايام تجمعني معك من جديد قمت احبك واحبك وتولع معاك.. كان قربك بجمي حلم وصبح بعيد كنت احبك وتولع معاك .. ليت الايام تعطيني رضاك وجفاك ليت الايام قالت حبيبي عنيد.. صدقني فرقاك مايجرح غلاك.. صدقني لو ما احبك ما كتبت القصيد لو تمنيت غيرك من يجي مستواك.. بس لو شفت زولك ينكتب يوم عيد قلتها بصوت غالي ياغلا ماكفاك ..يكفيني اني احبك وانت عني بعيــد شعر فلاح عشوي العنزي ========================== (اوصيك ياجعل السلامه ) اوصيك يااغلى الاحباب لاسافرت لاتسرع ترى المحبوب يسمع لمحبوبة اوصيك ياجعل السلامة معك لاسفرت وصية حبيب خوف وصاك هالنوبة ابي كل ماتسرع مع الخط بي فكرت تذكر تذكر كيف انا اعيش بفكار مرعوبة تراني فقدت انسان غالي قبل وانهرت بدنياي صح ان المقادير مكتوبة ولكن حوادث هالزمن من بلاها احترت تزايد بشكل مخيف وارقام محسوبة الا ياحبيب الروح لك بالشعر عبرت تمهل عساك تعود بافراح مصحوبة عشانك بقول لكل واحد ليا سافرت لاتسرع وتصبح سفرة العمر منكوبة لشاعر فلاح عشوي العنزي =========================================== (وجه الغياب) حبيبتي من غاب وصلك طوانـي ليل النتاعب والسهـر.. والكابـه جني على البعد ..والبعـد جانـي واليـاس نـوخ فالحنايا..ركابـه مليت من وجه الغياب الاناني منبعد هجرانـك اسرنـي ..عذابـه مشتاق لك ياللي ملكنـي كيانـي وجرح الفراق اليوم زاد..التهابـه ياللعجب وشلون قلبك نسانـي؟!! الظاهر..انه جايز لـه .. غيابـه لاتحسبيني عقب فرقـاك هانـي بالعكس قلبي يشتغل لك صبابـه بالامس ماتقوين بعـدي ثوانـي واليوم قربي ماحسبتـي حسابـه المشكله غبتي ونسيتـي حنانـي وانا بعد..على خظ السهر..والكابه لشاعر فلاح عشوي العنزي ================================== سهام الملااام) ياحبيبي لاتمادي بالملام خايف انا ..معه نوصل للزعل لاتعكر..بيننا ..صفو..الغرام دامنا..مع بعضنا..سمن وعسل لاتوقد .. يالغلاء..نار..الخصام خلنا..في حبنا..مهما..حصل ليش تفتح باب لطعون الكلام ليش من لاشي ندخل بالجدل طالما ان الحب ساس الاحترام لايجي منك ولامني خلل في هوانا ياعيوني والهيام يتعب العاذل ولاعمره عذل حبنا في عمرنا ..مر..بسلام ما شكينا رغم اشواقه ملل كان يرضيك الهوى معنا يضام ينفذ بقلبي ودورلك بدل التجافي درب ثاني للظلام وان مشينا به لفرقانا..وصل ترفض اخطانا ..مشاوير الزحام خوفها لانضيع..ويضيع الامل ياحبيبي مالنا ومال الخصام خل مسك اختام عشرتنا ..عسل لشاعر فلاح عشوي العنزي ========================================= مرثيه بوالدنا عشوي الحبلاني عقب العصر ودعني ابوي رحال كـنـه يودعــني وداع العـيـالـي اجيه وارجع بين الاقفا والاقبال بين الرجا والياس موته طرالي الحال مابه حال ياعالم الحال ادعيك انا يالله ترأف بحالي تقول في صدري من الحزن زلزال من يوم ودعنا عزيزن وغالي ابوي دايم للشرابيك حلال اللي يفك مشربكات الحبالي راح وبقا ذكره تفاخر به اجيال للطيب واهل الطيب مضرب مثالي عند القبيله سمعته تطرب البال وعند القبايل سمعته بالمعالي كريم جاه ولارتكا للحمل شال رجال شيَال الحمول الثقالي سمح الجناب وللمناعير مدهال ويفز لا جا للحميا مجالي في مجلسه دله ودرس وفنجال طبع الجزل مثله يروم الجزالي ماشال في صدره من الحقد مثقال يدمح خطا الغالين في كل حالي وله فزعة تذكر مع كل رجال ياكم سعى لاعتاق روس الرجالي رام المراجل واكتفى بكل الافعال كل شهد غرب وجنوب وشمالي ما مالت الا هو عدلها ولا مال ما مال غير لطاعة الله مالي يشهد له المسجد وعمٌ والانفال ويشهد له الليل الطويل بسؤالي يالله ياللي عالم كل الاحوال يا خالق خلقك بحسن وعدالي اسأل له الفردوس يارب منزال وينعم بحسن المنزله والمنالي ظله بظلك يوم لاظل وظلال الا بظلك يا عزيز الجلالي واغفر ذنوبه كلها دق وجلال يا قابل الدعوات يا خير والي لشاعر فلاح عشوي العنزي =============================================== (جــــيت ادور رضــــاك ) بلا شعوري جيت يمك دلني قلبي وجيت خطوه بخطوه تبعته لين مسكني يمينك جيت ادور بك رضاك وهذا اللي لقيت كنت واثق في رضاك وقلبك يسامح ضنينك ادري انك ماتخيب هقوتي لما هقيت عادتك دايم تقابل غلطتي بعطفك ولينك ادري انك ماتشيل ولا خطا قلبي نسيت ياللي من ساعه عرفتك والوفا تاج فجبينك ياكثر ماخطى عليك وتحتمل مهما خطيت والزعل منك حبيبي مايجي بيني وبينك ما اذكر انك ياحياتي يوم لفراقي نويت ولنشغل بالي بطيفك قلب لي وين انت وينك ايه انا ياما جفيتك وانت ماعمرك جفيت تدري ان مافيه اصدق منوفاك الا حنينك ما تمد الا الثمينه من غلاك اليا عطيت بالمحبه والموده تشهد لطيبك سنينك وان يدل هذا على شيء دل على انك وفيت ياللي مسكنك فعيوني ومسكني في مسك عيونك اعشقك ياللي بحياتي مثل وصفك ما رايت كلك احساس ومشاعر والوفا يحضن يدينك اعتذر لك عن خطاي وعذري اني مادريت وادري انك قبل عذري ناسي غلطه ظنينك وسلمتكم فلاح عشوي العنزي ====================================== ((زمان المهزله )) باللة قلي يازمان المهزلة يامحترم .. شلي بقى من عالمك قلي وانا بستوعبة علمتني كل الدروس وقلتلي كل الحكم.. لكنك اخفيت الحقايق وابتلعت الاجوبة أما انت كذاب وردي والا انا ما افتهم.. واحد من الاثنين فينا ماوثق في صاحبة هذا الزمن مايعشقة ويعيش فية الأ الصنم.. ماتقدر تميز غثاة وعقربة من بلبلة اختلطت الاوراق فيها وصار بالوادي قمم.. حتى الصغير يازمن قام يتفاخربشنبة فيها الردي اصبح مهم ويحترق فيها الاهم . عالم من كذب الرخيص وعالم من الاتربة الوقت يلعب لعبتة والذيب خاف من الغنم.. عذور ذيبك يازمن لوجاة طفل وهيبة بيت يهدده الضياع وتنشرا فيه الذمم.. لاعاد تشرة يازمن لوجاة ظيف وخربة والظلم قلي من بقى في هالزمان ولا انظلم .. والا انت خايف تظلم الظالم وتدخل مكتبة اليا متى نوخذ لحم ونرد مافينا لحم.. يلي بنيت من عظام البيض سلم واعتــبة لوفيك خير ان كان ما وزعت كلمة والنعم.. خليتها بين الخلايــق مثل الهبــة عنيد مايرضى يطيع ويقتنع انة قزم... يصدق اللي صفــقولة والــصـدوق يكـذبـة عطيتة اللقمة ولكن صار في قلبة عظم .. قص وتفضل ماعصرتة في ايدينك واشربة ليا انكسر قوس الحريب وش فايدة ذاك السهم.. وليا انكشف ستر العذارى وش تفيـد الاحجبة الوقت هو الوقت والمحظوظ من خاف وسلم .. كم واحد قبلك تحداه الزمن وغيبة لشاعر ":فلاح عشوي العنزي ========================================= قصيده جحااا)) الفزعه عند الطراطير منه واهانــــــــــه وعند القروم واجبها مثل واجب الزياره والانسان غير كامل وحصنه لسانـــــه قال خير والا صمت هذا خيـــــــــاره والسفيه محد يطلب منه زبانــــــــــــه مايدبر نفسه وحياته معظمها استثاره ذوقه شي بالي وان كان بدون ضمانه عادي مايدري وش حاجته في دياره المشكله فالغزو والاستطانـــــــــــه تملك مال غيرك بدون استشـــــاره والمشكله فالمتطفل وفاقد الحصـــانة مثل من يخلص معامله بدون اضباره والحل في الهيكله واعادة الصيانــــه ترى الوضع يامن تفهم العبــــــــاره كد وصل مرحله اصعب من الخيــانه ليه وكيف ومتى تعب لساني من بخاره وانا قلبي المجروح مايقبل اهانـــــــــه وحساس اكثر من حساسية غشاء البكاره صحيح اني ياما قبلت الاستعانــــــــه بس تراني ياما عنت بغـــــــــــــزاره ولمدى قناعتي بانه الانسان كماله بخوانه والزمن بيمشي برضاه والا بدون اختياره والمعروف اجره عند الله سبحانــــــه والا الدنيا فانيه ومتغيـــــــــره ودواره يامن فكرك يزيد البدين بــــــــــــــدانه والنحيل ذاب من علومك وزاد انحساره وش فايدة المحار ان كان بـــــدون دانة وراعي المواجيب والسنع ما يملك انتظاره مثلك مثل من عينه على مال اقرانه ومثلك مثل جحا حين يركب حمـــاره مش عارف وجهته ومنهـــــم اعوانه بس الفرق انه ضريف يشل من غباره يعني به حسنه تذكر في زمــــــــــــانه وانته تعبت اعد خطاك وتخطيك الاشاره طموحك يبكيك على شي فايت اوانـــه غير عن الذيب اللي ازعله اكبر خساره خذه ركن للبيت اليا طاحت احدى اركانه وذكراه العطره تتناقل من حاره لحاره ما نكرت في لحظه خير من قدم لي احسانة وانا والله لو صرت وزير فـــــــي وزاره ببقى الفرحان للخوي في علو شانــــــــه وببقى السنيد العضيد للي خالفه اصراره وببقى اللي مايقبل عربعه مهانـــــــــه وما ببدل بالشهم لو بمليون عمـــــــاره لشاعر فلاح عشوي العنزي ================================= يانور عيني )) يانور عيني ليش عني تخفيت وين الوفا والحب يانور عيني غيرت عاداتك وعني تخليت وخليت قلبي من فراقك حزيني اشفق لشوفك كل مااصبحت وامسيت وافرح اذا مريت لو ماتجيني عزالله انك غالي لو تغليت ماينمحي حبك يكثر السنيني حبك بقلبي ياحبيبي بنا بيت متى على الله ياحبيبي تجيني لشاعر فلاح عشوي العنزي ====================================== ياهاجسي شيـد المنظـوم بالعالـي=يوم اختلط حزنك المنشود في فرحك لو الليالـي علـى كيفـي تهيالـي=ماكان شفت القصايد عاجزه كبحـك الله يعـوض نهـار العيـد ياغالـي=بنيت صرح السعاده وانهدم صرحك ناسن تروح وتجي لك وانت ماتبالي=وناسن تناصح ولا هو فايد بنصحك انا أشهد ان الرجا في حضرتك خالي=وانا ان الحديث يضيق في شرحـك انا منحتك خفوقن مير وش جالـي؟=غير العمر والعقل ماأقدر على منحك المشكله ماتقـاس ولا لهـا والـي=مليت أجمع شتاتك وانتظر طرحـك واليوم شفني على جالن ماهو جالي=مسحت رقمك ولاني عاجز لمسحـك هـذاك أول اشوفـك دايـم ببالـي=واللحين ماتفرق بمعسولك وملحـك من فضل ربي خفوقي داله وسالـي=ما أبغى عبيرك ولا ابغى فوقها نفحك فلاح عشوي العنزي ================================ هلا بالمنشي اللي ينشرح به صدري الولهان .. تبعته لين وافيته ببرق في السما نورة تجدد يالقا العشــاق ولو ذكرا بقولـه كان .. جمعهـا غيـم متجمع يناجي غايب الصورة بعد مابه خيال صدق ولكنه خيال أنسـأن .. بنيته بس لجل الحب اعيشه واعلن حضورة تهيض يالخفوق اللي سكنك الشوق والتحناق .. تهيض يومة المنشي دعاك بجو لشعورة وغيبي بالنجوم اللي تناست لهفة الظميان .. بعد ماجاني المنشي خلاص النجم ما ازورة وانا ادري ان القمر في الليل يسلي خاطر السهران .. ولكن ماهو لي وحدي جميع الناس له دورة انا يكفيني شعوري مع المنشي الى حان .. اجيله واتبعه عاشق يريد الحب في طورة / / / لشاعر فلاح عشوي العنزي ============================= الله وأكبر ضاقت علي لحظة تنهدت وبكيت في مهميهمية غربتي يأيس ولا حولي بشر وحيد إداري عبرتي لأمن تذكرت الكويت كم صاحبن كفنته بيدي ودفنته بالقبر ياكثر ماكنت اعتقد اني نسيت ولا نسيت لاجتني الذكرى بمنامي أصغر جروحي كبر ياديرت(ن) حبيتها وتجهلتني وانكويت رغم الظلام اللي لقت عيني بها كانت قمر صعب أتناسها وأنا داخل شوارعها ربيت لوهي تناستني بقى فيني وفئ طول العمر الله ياأحمد ..لوبها قلبن بكت لحظة مشيت ودعتها وروحي بها وراح الجسد صوب الحفر عشرين عام اللي مضت ياليتني فيها دريت ضاعت ولا أدري من بنى أكثر من الثاني خسر كنت البدون اللي انظلم منها ولكن ما شكيت قلت أمنا بكرى تحس وتفرجلنا بعد الصبر حتى كبر ضياعنا واصبح عملنا دون بيت يعني الرحيل المنتظر لاخر مدى مد النظر تدري ياأحمد ..كذا من يوم اهل الشعر ابتديت كتـبت انا هالشعــر.. لكن كتـبت قهـر مبطي الفرح في داخلي طفلن تغنى بالكويت حاضن صور جابر وفئ حتى بكت له الصور لشاعر فلاح عشوي العنزي ======================================== والله لـو وضــع الـعــرب مـثــل ماكـــان اللـي يســــوي الطـيـبـة يشــــكرونه لـرفع بـيـارق بيـض فـي كــل الأوطـــان وأقــول ويلان غــيث هـــلت مزونـه يـــوم الليــالي الســود والســيف شـامان حــده يقــص المــرتـفــع من مـــتونه ربـعي هـــل الطــولات ذرفــين الأيمــان لا دق ناقـــوس الخــطـــر ياصــلونه وقـــفــوا معـــانا وقــفت رجال شــجعان والعــلم لا قــامــوا عــلــيه يحـمــونه مــا يـنـقـضه فـــتـنـة جـهـالا وفــتـــــان أهــل العــقــول الـــواعـية يـدركونه مـوقف شـرف يشـهد لــه القـاص والـــدان حـتى أحـفـاد أحـفــادنــا يــذكـــرونه ما ينســــي لمـا نجــــي وســـط الأكـفــان الـلــي جـمـيــع أمــواتـنـا يـرتـدونــه كـنـا بضــيـقـة تقـشـــعـر مـنهــا الأبـدان والســـيـف فـــوق عــيالنا يجــردونه ماعـــــاد فــيــهــا كــــان ولا ولاكــــان أشــجع رجل ضاق الفضـاء في عيونه وعـيـالنــا فــي وضــع مـحـرج وتعــبــان وحـــنا حــيــارا والنـفـوس مـغــبونه والحـمــل صــعب يشـيلـــه لوحـده إنسـان وإذا تــوزع بــيــنهــم يـرفــعــــونـــه وقـلنا نشــاور ربعـنــا هـــم هــل الشــان وتجـمعــوا جـمــعــة صــداقة وعـــونه تشــاوروا بالوضــع وش صــار وش كـان ومـلـيـون كــامـل قـــرروا يدفعـــونــه قـالـوا قـبـايـل عنزه عــيال وأخـــوان والله مـانـرضـى عــلـيـهــم مـهـــونــه هذا العــشـم فـيـهـم عــلى طــول الأزمان دم الـحـــمــيـا بالعــروق مـخـــزونــه ربعــاً لـهــم فـي نصــرة الحـق ديــــوان ومـنـاصــرين الـحـق ما يـجــحـــدونه شـــكراً لهــم شـــكراً وشـــكراً وعـرفان الـطــيـب والمـعــروف يســـتاهــلــونه لشاعر فلاح عشوي العنزي ===================================== ليت القضي شوفه سوات الموا قع=أضغط على قوقل بأسمه واشوفه من شوقي له فكري معاد ايتجامع= حتى لساني ما يجمّـع حروفـه أشتقت للي غاب ما قـال راجـع= أشتقت للي ذاري ٍ في ضروفـه أشتقت أنا شوفه وللوصل طامـع=أشتقت أنا والله نبـرة عزوفـه وأنا على هذي بترّجـم مقاطـع=مقطع يشوق الحب مقطع يلوفـه ليته مهاجم وأنـا ضـده مدافـع=يلعب على كورة حلا في تروفـه وليته عياده كل فتـره وأراجـع=بي حمة ٍ تشفي بشوفـة ولوفـه ليته وليته لـي نجـم ٍ وساطـع=والا قمر ما ينتحي فـي كسوفـه ليته ورق يدخل بصدر المطابـع=المطبعه عيني تصـوّر وصوفـه ليتـه وليتـه ثـم ليتـه وتابـع=لو يتحقق مطلبي مـع حروفـه مير أكتفي (( ليته كما هالمواقع))=أضغط على قوقل بأسمه واشوفه لشاعر فلاح عشوي العنزي ========================== احبك كثر ما قالك احبك يا صدى الوجــدان واحبك كثر ما طارات طيور الكون بأوطانــــه احبك وانته الذكرى واحبك وانته الحرمــان واحبك وانته الحاضر وانته ماضي ازمانـــه احبك تزعل الدنيا ولا ترضى انا الكسبــان لأني فزت فيك انت جميع الناس زعلانــه وما يزعل انا هما مصيره بالأخير انسـان مهو بمثلك ملاكٍ تسحر أعيانـــــــه ازعلهم وارضيهم بكلمة منك يا فتـــــان ولا تهمني مشاعرهم عساها دوم حيرانه يقولون الغلا فطرة اقول ان الغلا ايمـــان بشخص يملك الفتنة وتسحر كلمة السانـه واذا اسألك الشوف المووت بعيونك وانا الشفقان لموت انتي سببه وانتس بداياته وانتي عنوانـه لشاعر فلاح عشوي العنزي 88888888888888888888888888888888888888888888 كنتم مع قصايد واحساس الشاعر فلاح عشوي العنزي تفضلو فايق تقديري واحترامي للجميع | ||||||||
التعديل الأخير تم بواسطة شاعر حنون ; 09-02-2010 الساعة 03:30 PM | |||||||||
| |
| | رقم المشاركة : ( 4 ) | ||||||||
| رد: ديوان الشاعر فلاح عشوي العنزي
كُتب : [ 10-03-2010
- 09:13 PM ]
هــلآ والله بـ شـآعرنـآ .. إنــدمجت بـ قصآئدك العذبه .. وإحسآسك المرهــف .. مــشآعر جــيآشه لـهآ بــريق خــآص .. أتــحفنآ بـ جديدك دومــــآ .. فـ نحن في الإنــتظآر .. لآ هــنت .. | ||||||||
| |||||||||
| |
| | رقم المشاركة : ( 5 ) | ||||||||
| رد: ديوان الشاعر فلاح عشوي العنزي
كُتب : [ 11-08-2010
- 09:27 PM ]
مـآآشـآء الله تبـآرٍك الله أيش هذآ آلأبدآع يآشـآعرٍنـآآ رٍبي يـوٍفقـك وٍيزيدك أبدآآع تستـآآآهل آلتقييـم & فـآيف أسـتـآرٍزٍ تــحْْ ,ـيـآآتـي | ||||||||
| |||||||||
| |
| | رقم المشاركة : ( 6 ) | ||||||||
| رد: ديوان الشاعر فلاح عشوي العنزي
كُتب : [ 01-18-2011
- 09:22 AM ]
هلا اخوي شاعر حنون شكرا على القصايد بس هل الديوان منسوب لك والا انت مجتهد وحاط قصايد العشوي | ||||||||
| |||||||||
| |
| | رقم المشاركة : ( 8 ) | ||||||||
| رد: ديوان الشاعر فلاح عشوي العنزي
كُتب : [ 01-19-2011
- 04:45 AM ]
انتظر الجواب الى الان
| ||||||||
| |||||||||
| |
| | رقم المشاركة : ( 9 ) | ||||||||
| رد: ديوان الشاعر فلاح عشوي العنزي
كُتب : [ 01-27-2011
- 10:02 AM ]
ماآشاء اللهـ تباركـ الله صح لسانكـ كلاام رائع وابداآآع لاينضب الله لايضررركـ اخووي اسايرهاا على حد علمي ان اخونا المشرف شاعر حنون يمر في وعكة صحيه عسى ربي يقوومهـ بالسلامهـ .. | ||||||||
| |
|
| مواقع النشر (المفضلة) |
| الكلمات الدلالية (Tags) |
| الشاعر, العنزي, ديوان, عشوي, فلاح |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| كنتم مع خواطر الشاعر فلاح عشوي العنزي | شاعر حنون | خواطر - نثر - عذب الكلام | 4 | 07-13-2009 03:34 AM |
| بعض من القصايد ادخل واقرها للشاعر فلاح عشوي العنزي | شاعر حنون | همس القوافي - اشعار مكتوبة - قصائد متنوعة | 4 | 04-13-2009 07:53 AM |
العرض العادي
